Búgin Memlekettik qyzmet isteri agenttiginde adaldyq ıdeologııasyn jáne sybaılas jemqorlyqqa qarsy mádenıetti ilgeriletýdiń jańa tásilderi talqylandy, dep jazady Egemen.kz.
Is-sharaǵa azamattyq qoǵam ókilderimen qatar Parlament depýtattary, Qazaqstan halqy Assambleıasynyń ókilderi, akademııalyq qaýymdastyq jáne buqaralyq aqparat quraldary qatysty.
Agenttik tóraǵasy Darhan Jazyqbaı baıandama barysynda Memleket basshysy «Turkistan» gazetine bergen suhbatynda aıqyndaǵan sybaılas jemqorlyqtyń aldyn alýǵa jáne adaldyq mádenıetin qalyptastyrýǵa baǵyttalǵan saıasat aıasynda iske asyrylyp jatqan preventıvtik sharalardyń basymdyǵyn atap ótti. Ol sondaı-aq «Zań men tártip», «Halyq únine qulaq asatyn memleket» jáne «Adal azamat» qaǵıdattaryn Ádiletti Qazaqstandy qalyptastyrýdyń ınstıtýsıonaldyq negizi retinde júıeli túrde nyǵaıtýdyń mańyzdylyǵyn atap ótti.
Sybaılas jemqorlyqtyń aldyn alý máseleleri talqylandy
Osy turǵyda «Qoǵamdyq pikir» ınstıtýty júrgizgen áleýmettik saýalnama nátıjeleri sybaılas jemqorlyqqa qarsy mádenıetti qalyptastyrý baǵytyndaǵy jumystyń azamattardyń quqyqtyq sanasynyń artýyna yqpal etip, qoǵamdyq baǵalaýlarda oń ózgeristerge ákeletinin kórsetip otyr.
Atap aıtqanda, halyq arasyndaǵy jemqorlyqty qabyldaý deńgeıi ótken jylmen salystyrǵanda 32,9%-dan 31,9%-ǵa deıin tómendese, qylmystyq qýdalaýǵa tartylǵan memlekettik qyzmetshilerdiń úlesi 2023-2024 jyldardaǵy 0,4%-dan 2025 jyldyń qorytyndysy boıynsha 0,3%-ǵa deıin qysqardy.
Qazaqstandaǵy sybaılas jemqorlyqqa qarsy reformalardyń nátıjeleri qandaı?
«Bul máselede aqparattyq-aǵartý jumysy men azamattyq qoǵamnyń parasattylyqty, moraldyq-ádep baǵdarlardy, sondaı-aq rýhanı qundylyqtardy ilgeriletýge qatysý dárejesi mańyzdy ról atqarady. Is-sharanyń qorytyndysy boıynsha qatysýshylar jemqorlyqqa qarsy turaqty mádenıetti qalyptastyrý mektep ortasynan bastap, otbasylyq jáne qoǵamdyq keńistikti dáıekti túrde qamtıtyn júıeli jáne uzaq merzimdi sıpatta bolýy tıis degen tujyrym jasady», delingen agenttik taratqan habarlamada.
Sybaılas jemqorlyqqa qarsy is-sharalar – ádiletti qoǵamǵa bastaıtyn jol