Elimizde medısınalyq volonterlikti júıeli damytýǵa baǵyttalǵan mańyzdy qadam jasaldy. 2025 jyly QazMed Digital onlaın-platformasy iske qosylyp, saladaǵy eriktilerdi oqytý men úılestirýdiń biryńǵaı tetigi qalyptasty. Platformada 10 oqý modýli usynylyp, oǵan 2 500-den astam volonter tirkeldi, dep jazady Egemen.kz.
Onlaın-oqytý baǵdarlamasyn 1 200-ge jýyq jas qatysýshy sátti aıaqtap, tıisti sertıfıkat aldy. Bul olardyń medısınalyq jáne áleýmettik baǵyttaǵy eriktilik qyzmetke kásibı turǵyda aralasýyna jol ashty. Sonymen qatar, medısınalyq volonterlikti óńirlerde damytý maqsatynda Astana, Almaty, Shymkent, Semeı jáne Qaraǵandy qalalarynda front-ofıster ashyldy. Biryńǵaı korporatıvtik stıl bekitilip, volonterlerge arnalǵan arnaıy ekıpırovka ázirlendi.
Qasym-Jomart Toqaev Volonterler forýmynda sóz sóıledi
Granttyq qoldaý aıasynda volonterlik uıymdar birqatar basym baǵyt boıynsha jobalardy júzege asyrdy. Atap aıtqanda, áleýmettik osal toptarǵa kómek kórsetý, salaýatty ómir saltyn nasıhattaý, donorlyq qozǵalysty damytý, alǵashqy jáne psıhologııalyq kómek kórsetý isi keńinen qamtyldy. Bul bastamalar medısınalyq volonterliktiń tek qosalqy emes, qoǵam úshin naqty mańyzy bar ınstıtýtqa aınalyp kele jatqanyn kórsetti.
Elimizde volonterler sany 300 myńǵa jetti
Budan bólek, 2025 jylǵy 29 qyrkúıek pen 12 qazan aralyǵynda respýblıkalyq deńgeıde QazMedFest aptalyǵy ótti. Aptalyq barysynda volonterlikti keńinen tanytýǵa jáne jastardy tartýǵa baǵyttalǵan túrli is-sharalar uıymdastyryldy. Joba qorytyndysy boıynsha óńirlik keńseler jumysynyń nátıjeleri men úzdik bastamalar toptastyrylǵan «Medısınalyq volonterliktiń úzdik tájirıbeleri» jınaǵy jaryq kórdi.
Toqaev: Eń paıdaly usynystaryńyzdy júzege asyrýǵa tapsyrma beremin
Jalpy, QazMed Digital platformasynyń iske qosylýy medısınalyq volonterlikti kásibılendirý men turaqty damytýǵa baǵyttalǵan mańyzdy ınfraqurylymdyq negiz qalyptastyrdy.