Búgin Senatta «Ulttyq múdde» dıalog alańynyń «Saıası jańǵyrý: Ádiletti Qazaqstannyń konstıtýsııalyq modeli» taqyrybyna arnalǵan otyrysy ótti. Kezdesýge qatysýshylar memlekettilikti damytýdyń jańa kezeńine ótý kezinde konstıtýsııalyq reformanyń máni men mazmunyn, onyń saıası júıeni jańǵyrtýdaǵy jáne memlekettik qurylymnyń jańa modelin qalyptastyrýdaǵy rólin talqylady, dep habarlaıdy Egemen.kz.
«Qazaqstan ulttyq jańǵyrý kezeńine qadam basyp jatyr. Osy tarıhı sátte zııaly qaýym ókilderi men qoǵamdyq pikir kóshbasshylary erekshe ról atqarady. Qazirgi tańda Memleket basshysy usynǵan aýqymdy ózgeristerdiń mánin qoǵamǵa durys jetkizý asa mańyzdy. Qazirgideı jaýapty kezeńde ulttyq birlikti odan ári bekemdeý óte ózekti. Qoǵamdy ortaq múddege jumyldyrý isinde de sizderge úlken jaýapkershilik júkteledi. Saıası jańǵyrýdyń túpki maqsaty – memlekettilik pen Táýelsizdikti nyǵaıtý. Bul – Ádiletti Qazaqstan qurý jolyndaǵy jańa konstıtýsııalyq modelge kóshý kezeńi. Aldaǵy ýaqytta konstıtýsııalyq reformalardy tabysty iske asyrýǵa zııaly qaýym men sarapshylar qoǵamdastyǵy belsendi úles qosady dep senemin», dedi Máýlen Áshimbaev.
Eske salaıyq, Konstıtýsııalyq reforma jónindegi Komıssııanyń kezekti otyrysy ótip jatyr.
Senat tóraǵasy: Konstıtýsııalyq reforma – memleket qurylysyn damytýdyń jańa kezeńi