UQK Cybaılas jemqorlyqqa qarsy is-qımyl qyzmeti Shyǵys Qazaqstan oblysynyń jolaýshy kóligi jáne avtomobıl joldary basqarmasynyń burynǵy basshysy para aldy jáne laýazymdyq ókilettikterdi teris paıdalandy degen kúdikpen ustaldy, dep habarlaıdy Egemen.kz.
Vedomstvonyń baspasóz qyzmeti usynǵan málimetke júginsek, kúdikti jol qurylysy kompanııalarynyń jáne avtobýs parkteriniń ókilderinen 134 mln teńge somasynda zańsyz syıaqy alǵan. Tintý barysynda onyń úıinen 121,9 mln teńge jáne 97,7 myń AQSh dollary tabylyp, tárkilendi.
«Sondaı-aq, ShQO bilim salasynda sapany qamtamasyz etý departamentiniń basshysyna qatysty qylmystyq is qozǵaldy. Ol muǵalimderdiń memlekettik attestattaýdan ótýine járdemdeskeni úshin júıeli túrde aqshalaı qarajat alǵan», dep habarlady UQK baspasóz qyzmeti.
Sot sanksııasymen atalǵan adamdar qamaýǵa alyndy. Qylmystyq-prosestik kodekstiń 201-babyna sáıkes ózge aqparat jarııa etýge jatpaıdy.
Prezıdent: Jemqorlyqqa beıim adam eshqashan patrıot bola almaıdy
Esterińizge sala keteıik, buǵan deıin ShQO ákimdigi jolaýshy kóligi jáne avtomobıl joldary basqarmasyn basqarǵan Danııar Ýahıtov óz ótinishimen boıynsha qyzmetinen bosatylǵanyn málim etken.
Bul sheshim oblys ákimi Nurymbet Saqtaǵanovtyń tapsyrmasyna sáıkes memlekettik qyzmetshiler arasyndaǵy sybaılas jemqorlyq táýekelderin joıý baǵytynda júrgizilip jatqan jumystar aıasynda qabyldanǵan.