Túrkistanda taekvondodan (WT) jastar arasynda Qazaqstan chempıonaty ótti. Tórt kúnge sozylǵan baıraqty básekede el úzdikteri anyqtalyp, 2026 jylǵy sport maýsymyna Qazaqstan jastar quramasy jasaqtaldy. Jarysqa Astana, Almaty jáne Shymkent qalasy men elimizdiń 17 oblysynan 709 jas taekvondoshy qatysty, dep habarlaıdy Egemen.kz.
Nátıjesinde jalpy medal kestesinde Almaty qalasy kósh bastady. Túrkistan oblysynyń quramasy ekinshi orynǵa jaıǵassa, Jambyl oblysy úzdik úshtikti túıindedi.
Sondaı-aq ár salmaq dárejesinde chempıon atanǵan sportshylar sáýir aıynda Tashkentte ótetin Jastar arasyndaǵy álem chempıonatyna joldama aldy.
Taekvondoshy Batyrhan Tóleýǵalı U21 sanatynda álem chempıony boldy
2026 jylǵy jastar arasyndaǵy el Chempıonatynyń jeńimpazdary kelesideı:
Uldar:
-45 kg: Saǵı Mádıuly (Almaty qalasy);
-68 kg: Alıdar Abdýkarımov (Almaty qalasy);
-48 kg: Erasyl Erzat (Jambyl oblysy);
-59 kg: Nuralı Mahmut (Almaty qalasy);
-51 kg: Ádilet Sheri (Almaty qalasy);
-63 kg: Mýhamedálı Mahmýt (Almaty qalasy);
-78 kg: Bekzat Ǵazız (Túrkistan oblysy);
-55 kg: Islam Medetbaı (Qyzylorda oblysy);
-73 kg: Janaıbek Shamýratov (Atyraý oblysy);
+78 kg: Amanaı Quralbaev (Túrkistan oblysy).
Qyzdar:
-42 kg: Shahrızoda Akramova (Túrkistan oblysy);
-59 kg: Evelına Abdrasýlova (Almaty qalasy);
+68 kg: Sabına Týrtýlova (Pavlodar oblysy);
-44 kg: Aıym Serikbaeva (Astana qalasy);
-52 kg: Sheraly Eleanora (Astana qalasy);
-68 kg: Balgerim О́tegen (Túrkistan oblysy);
-46 kg: Sulý Abıbýlla (Túrkistan oblysy);
-55 kg: Nuraılym Baqytjanqyzy (Atyraý oblysy).
Chempıonatqa barlyǵy 28 tóreshi tórelik etti. Dodanyń ádil ótýi maqsatynda shetelden de halyqaralyq dárejedegi tóreshiler shaqyrtylǵan. Atap aıtsaq, 8 sheteldik halyqaralyq dárejedegi tóreshi, 11 otandyq halyqaralyq dárejedegi, 4 ulttyq dárejedegi, sondaı-aq 4 I dárejedegi jáne 1 sport tóreshisi qyzmet atqardy.
Sheteldik tájirıbeli tóreshiler Indonezııa, Taıland, Kýveıt, Ońtústik Koreıa jáne Saýd Arabııasy elderinen kelgen.
Qysqy Olımpıada: Búgin jarys jolyna kimder shyǵady?