Úkimettiń keńeıtilgen otyrysynda Memleket basshysy jańa Konstıtýsııa jobasynyń mazmunyna toqtalyp, qujatta el damýynyń irgeli qaǵıdattary aıqyn ári naqty kórinis tapqanyn atap ótti. Prezıdenttiń aıtýynsha, «Ádiletti Qazaqstan», zań men tártip, azamattardyń quqyqtary men bostandyqtaryn múltiksiz saqtaý sekildi negizgi ustanymdar Ata Zań mátininde anyq belgilengen, dep jazady Egemen.kz.
Prezıdent bilim, ǵylym, ınnovasııa jáne mádenıet el damýynyń teńdessiz basymdyqtary retinde aıqyndalǵanyn aıtty. Bul baǵyttar memlekettiń uzaqmerzimdi strategııasynda sheshýshi ról atqarady. Sonymen qatar táýelsizdik, egemendik pen aýmaqtyq tutastyq myzǵymas qundylyq retinde bekitilgen.
Jańa Konstıtýsııanyń jobasy: Adamı kapıtal men adam quqyqtaryna basymdyq
«Táýelsizdigimiz, egemendigimiz jáne aýmaqtyq tutastyǵymyz myzǵymas qundylyqtar bolyp qala beredi jáne elimizdiń ýnıtarlyǵy, jeriniń tutastyǵy men basqarý nysany eshqashan ózgermeıdi degen asa mańyzdy sózder bar», dedi Memleket basshysy.
Elimizdiń jańa konstıtýsııalyq modeli aıqyndaldy
Prezıdent Ata zańda qoǵamdaǵy birlik pen kelisimniń negizderi odan ári nyǵaıatynyn, jaýapty ári jasampaz otanshyldyq uǵymy naqty jazylatynyn da atap ótti. Bul normalar qoǵamdyq sanany jańǵyrtyp, azamattyq jaýapkershilikti kúsheıtýge baǵyttalǵan.
«Bir sózben aıtqanda, jańa Konstıtýsııa jobasyn shyn máninde ozyq, ıaǵnı túbegeıli jańarǵan, árbir tusy saraptalǵan, sapaly jazylǵan mátin dep ataýǵa tolyq negiz bar. Onda konstıtýsııalyq qurylysqa qatysty álemdegi úzdik tájirıbeler kórinis tapqan, adam quqyqtary jáne ulttyq múddemiz tolyq qorǵalǵan», dedi Qasym-Jomart Toqaev.
Erlan Qarın: Jańa Konstıtýsııa Qazaqstannyń kemeldengen memlekettigin kórsetedi
Memleket basshysynyń aıtýynsha, bul qujat eldiń saıası-quqyqtyq júıesin jańǵyrtýǵa, qoǵam men memleket arasyndaǵy senimdi nyǵaıtýǵa qyzmet etedi.