Keńeıtilgen Úkimet otyrysynda birqatar óńirde bıyl sý tasqyny, odan keıin qurǵaqshylyq qaýpi bar ekenin eskere otyryp, Úkimetke aldyn ala naqty is-qımyl josparyn ázirleýdi tapsyrdy. Memleket basshysy tabıǵı apattarǵa daıyndyq tek jedel áreketpen emes, júıeli boljaý men aldyn alý arqyly júrgizilýi tıis ekenin atap ótti, dep jazady Egemen.kz.
Prezıdenttiń aıtýynsha, eger tabıǵı apattardy boljaýda sıfrlyq tásilder tolyq qoldanylmasa, atqarylǵan jumystyń bári nátıjesiz qalýy múmkin. Bul rette Qazaqstanda qajetti tehnologııalar bar, basty másele – olardy jaýapty ári júıeli túrde paıdalaný.
«Taǵy da aıtarym, tabıǵı apattardy boljaý úshin sıfrlyq tásilderdi paıdalanbasaq, jumystyń bári bosqa ketedi. Bizde qajetti tehnologııanyń bárin paıdalanýǵa múmkindik bar. Tek sonyń barlyǵy qanshalyqty jaýapty ári júıeli túrde qoldanylady degen suraq týady. Másele – sonda», dedi Memleket basshysy.
Sý tasqynyna daıyndyq kúsheıtildi
Qasym-Jomart Toqaev egis alqaptary men ınfraqurylymdy qorǵaýǵa baǵyttalǵan sharalar aldyn ala qabyldanýy keregin atap ótti. Onyń sózinshe, másele týyndaǵan saıyn ǵana áreketke kóshpeı, qaýiptiń aldyn alý mádenıetin qalyptastyrý qajet.
«Ár joly másele paıda bolǵan kezde ǵana jantalaspaı, qıyndyqtyń aldyn alǵan jón. Burynǵy qatelikterge jol bermeý kerek», dedi Prezıdent.
Toqaev: Elimizde buryn-sońdy bolmaǵan aýqymdy ınfraqurylymdyq jobalar bastalady
Memleket basshysy kóktem mezgiliniń taıap qalǵanyn eske salyp, Úkimetke ákimdiktermen birlesip sý tasqynyna qarsy sharalardy sapaly ári ýaqytyly júzege asyrýdy tapsyrdy. Prezıdent bul jumystyń óńirlerdegi úılestirý deńgeıi men naqty jaýapkershilikke tikeleı baılanysty ekenin qadap aıtty.
О́ńirler yqtımal sý tasqynyna daıyn ba?
Onyń aıtýynsha, tabıǵı qaterlerge daıyndyq eldiń azyq-túlik qaýipsizdigine, ınfraqurylymnyń saqtalýyna jáne azamattardyń turmys-tirshiligine tikeleı áser etedi. Sondyqtan bul másele Úkimet jumysynyń basym baǵyttarynyń biri bolýǵa tıis.