Búgin Prezıdent Úkimettiń keńeıtilgen otyrysyndaǵy qorytyndy sózinde jańa ekonomıkalyq úlgige kóshý barysynda kólik logıstıkasyn damytýǵa jete mán berý qajettigin atap ótti, dep habarlaıdy Egemen.kz.
Qasym-Jomart Toqaevtyń aıtýynsha, Qazaqstannyń Eýrazııa qurlyǵyndaǵy biregeı ornyn tıimdi paıdalanbasaq, bul halqymyz keshirmeıtin strategııalyq olqylyq bolýy múmkin. Sondyqtan bul mindettiń mán-maǵynasy erekshe.
«Kólik-tasymal salasy ónerkásip jáne ınvestısııa saıasatymen birge birtutas júıe retinde qaralýy kerek. Osy kezge deıin ınfraqurylymdyq róli basym bolǵan tranzıt salasy endi ekonomıkalyq sıpatqa ıe bolady. Jahandyq báseke kúsheıip turǵan qazirgi zamanda bul – óte mańyzdy qadam», dedi Memleket basshysy.
Toqaev kásipkerlerdi jospardan tys tekserýdi doǵarýdy tapsyrdy
Prezıdent temirjol salasyna toqtalyp ótti.
«Qazir elimizdegi taýardyń 60%-y temirjolmen tasymaldanady. Sondyqtan temirjol jelilerin barynsha damytý – aıryqsha mańyzdy mindet. Búginde birqatar iri ınfraqurylym jobasynyń qurylysy aıaqtaldy. Temirjol arqyly júk tasymaldaý múmkindigi edáýir jaqsaryp, temirjoldyń jalpy jaǵdaıy turaqtaldy. Desek te, elimizdiń temirjol tranzıti salasyndaǵy áleýetin tolyǵymen paıdalanýymyz qajet», dedi Memleket basshysy.
Memleket basshysy Úkimetke eldegi munaı óńdeý zaýyttaryn jedel jańǵyrtýdy tapsyrdy
Prezıdenttiń sózinshe, bul mańyzdy másele boıynsha anyq, aıqyn strategııa áli joq. Tozyǵy jetken temirjol ınfraqurylymy áli de kóp. Keıbir jerlerdegi ahýal tipti kúrdeli deýge bolady.
«Bıyl «Moıynty – Qyzyljar», «Darbaza – Maqtaaral» baǵytyndaǵy jańa temirjol jelilerin iske qosý kerek. Sondaı-aq «Altynkól – Jetigen» jáne «Beıneý – Mańǵystaý» temirjolyn jańǵyrtý jumystaryn aıaqtaý qajet. «Baqty – Aıagóz» jelisin ýaqtyly paıdalanýǵa berý kerek. Atalǵan máseleler týraly jıi aıtatyn boldyq, endi naqty nátıjege kýá bolaıyq. Jumystyń qarqynyn báseńdetýge bolmaıdy», dedi Memleket basshysy.
Toqaev: Sharýalardy memlekettik qoldaý júıesi barynsha ashyq bolýy kerek