Italııada ótip jatqan 2026 jylǵy Olımpıada oıyndary jalǵasyp jatyr. Búgin tórtjyldyqtyń basty básekesinde jerlesterimiz sporttyń 4 túri boıynsha júldege talasady, dep jazady Egemen.kz.
Búgin júldege talasatyn el sportshylary:
Áıelder arasyndaǵy taý shyńǵysy synynyń sýpergıgant túri boıynsha Aleksandra Skorohodova básekege túsedi. Bul saıys Qazaqstan ýaqytymen 15:30-da bastalady.
Erler arasynda frıstaıl-mogýldyń fınaldyq saıysynda Pavel Kolmakov júldege talasady. Atalǵan jarys 16:15-te tikeleı efırde usynylady.
Qysqy Olımpıada-2026: Jarys kestesi jarııalandy
Shańǵy jarysyndaǵy jekeleı saıysta el quramasy óner kórsetedi. Qurama sapynda Nadejda Stepashkına, Ksenııa Shalygına, Anna Melnık, Darıa Rıajko bar. Shańǵy sheberleri jarys jolyna 17:00-de shyǵady.
5000 metr qashyqtyqta konkımen júgirýden Nadejda Morozova baq synaıdy. Bul báseke 20:30-da bastalady.