Búgin Qazaqstan Respýblıkasy jańa Ata Zańynyń qorytyndy jobasy jarııalandy. Jobanyń II bólimi «Negizgi quqyqtar, bostandyqtar men mindetter» dep atalyp, el azamattyǵyna qatysty ereje usynylǵan, dep jazady Egemen.kz.
«Qazaqstan Respýblıkasynyń azamattyǵy zańǵa sáıkes beriledi jáne toqtatylady, ol berilgen negizine qaramastan biryńǵaı jáne teń. Qazaqstan Respýblıkasynyń azamatyn óz azamattyǵynan aıyrýǵa, azamattyǵyn ózgertý quqyǵynan aıyrýǵa, sondaı-aq Qazaqstannan tys jerge alastatýǵa bolmaıdy. Azamattyqtan aıyrýǵa terrorıstik qylmys jasaǵany, sondaı-aq Qazaqstan Respýblıkasynyń ulttyq múddelerine ózge de aýyr zııan keltirgeni úshin sot sheshimimen ǵana jol beriledi», dep jazylǵan Konstıtýsııada.
Sondaı-aq elimizde qos nemese kóp azamattyq alý zań júzinde shekteledi.
«Qazaqstan Respýblıkasynyń azamatynda qos nemese kóp azamattyǵy bolýyna jol berilmeıdi. О́zge el azamattyǵynyń bolýy Qazaqstan Respýblıkasynyń azamattyǵyn toqtatýǵa negiz bolady. Shet memlekette týǵanyna baılanysty sol memlekettiń azamattyǵyn alǵan kámeletke tolmaǵan balaǵa qatysty zańda kózdelgen erejeler qoldanylady», dep jazylǵan Konstıtýsııada.
Aıta keteıik, Jańa Konstıtýsııa jobasynda Prezıdenttiń kezekti saılaýy, ókilettik merzimi jáne daýys berý erejesi naqtylanyp, Quryltaı depýtattarynyń ókilettik merzimi de aıqyndaldy.
Quryltaı depýtattary qalaı saılanady?