Brıýssel qalasyndaǵy Qazaq mádenı ortalyǵynda qazaq poezııasynyń kórnekti ókili, aqıyq aqyn Muqaǵalı Maqataevtyń týǵanyna 95 jyl tolýyna oraı ádebı-poetıkalyq kesh uıymdastyryldy, dep habarlaıdy Egemen.kz.
Is-sharaǵa belgııalyq ónersúıer qaýym ókilderi men Brıýssel qalasynda turatyn qazaqstandyqtar qatysyp, aqyn shyǵarmashylyǵyna taǵzym etti. Kesh aıasynda Muqaǵalı Maqataevtyń óleńderi qazaq, fransýz, aǵylshyn jáne nıderland tilderinde oqylyp, aqyn poezııasy halyqaralyq aýdıtorııaǵa keńinen tanystyryldy.
Atap aıtqanda, belgııalyq Vendı Mrazek aqynnyń «Mahabbat dıalogy» atty týyndysyn qazaq tilinde oryndap, kórermenderdiń erekshe yqylasyna bólendi.
Ádebı kesh qazaq rýhanııatyn shetelde nasıhattaýǵa jáne ulttyq mádenı murany dáripteýge baǵyttalǵan mańyzdy mádenı sharalardyń biri boldy.