О́ńirde mektep oqýshylarynyń «Tulpar minip, tý alǵan!» atty jyr oqý jarysy bastaldy. Joba jetekshisi Erjan Qojabekovtiń aıtýynsha, jyr dodasyna 2 aqpannan bastap búginge deıin 5-9 synyp aralyǵynda bilim alyp jatqan 2,6 myńnan astam oqýshy tirkelgen.
Baıqaýǵa qatysýshylar «Alpamys» jyryn bastan-aıaq jatqa aıtyp jarysady. Jyr saıysy barysynda úmitkerdiń kórkem oqý máneri, tyńdaýshyǵa jyrdy jetkize bilý sheberligi de eskeriledi. Baıqaýdyń aýyldyq, aýdandyq, qalalyq kezeńderi aqpan, naýryz, sáýir aılarynda ótedi. Al Qostanaıda ótetin sheshýshi kezeń mamyr aıyna belgilenip otyr.
Oblystyq kezeńge ár aýdannan, qalalardan top jaryp, oza shapqan eki oqýshy qatysady. Bas júlde ıegerine Túrkııa eline bir aılyq joldama beriledi. Jeńimpaz oqýshyny daıyndaǵan tálimgerge avtokólik syıǵa tartylmaq. Júldeli orynnan kóringen balalar da qur qol qaıtpaıdy. Baıqaýdyń 1,2,3-oryn ıegerlerine «Amanat» partııasy, halyqaralyq «Qazaq tili» qoǵamy, Mirjaqyp Dýlatuly atyndaǵy Qostanaı ınjenerlik-ekonomıkalyq ýnıversıteti qarjylaı syılyq taǵaıyndap otyr.
Qostanaı oblysy