Naýryz meıramy kúnderi jolaýshylar aǵynynyń artýyna baılanysty «Jolaýshylar tasymaly» birqatar baǵytta qosymsha poıyzdar taǵaıyndap, suranysy joǵary qatynastardaǵy poıyzdarǵa tirkeme vagondar qosady. Nátıjesinde mereke kezeńinde jolaýshylarǵa 35 myńǵa jýyq qosymsha oryn usynylady, dep jazady Egemen.kz.
Kompanııanyń málimetinshe, 20 reıske úsh qosymsha poıyz shyǵarylady. Sonymen qatar qoldanystaǵy poıyzdar quramyna shamamen 230 tirkeme vagon engiziledi. Qabyldanǵan sharalar mereke kúnderi bılet qoljetimdiligin arttyrýdy kózdeıdi.
Poıyzda jolaýshy ózin jaısyz sezinse ne isteý kerek?
Qosymsha poıyzdardyń qozǵalys kestesi tómendegideı:
№201/202 «Almaty-2 – Astana-1» Almaty-2 stansııasynan: 20, 22, 24, 26, 28, 30 naýryz. Astana-1 stansııasynan: 21, 23, 25, 27, 29, 31 naýryz. Barlyǵy 6 reıs.
№204/203 «Astana Nurly jol – Shymkent» Nurly jol stansııasynan: 19, 20, 22, 23, 25, 26, 28, 29 naýryz. Shymkent stansııasynan: 21, 22, 24, 25, 27, 28, 30, 31 naýryz. Barlyǵy 8 reıs.
№205/206 «Aqtóbe – Astana Nurly jol» Aqtóbe stansııasynan: 19, 21, 23, 25, 27, 29 naýryz. Nurly jol stansııasynan: 20, 22, 24, 26, 28, 30 naýryz. Barlyǵy 6 reıs.
Poıyz bıletterine 25% jeńildik: Qaı baǵyttar qamtylǵan?
Bıletterdi bilet.railways.kz resmı saıtynan jáne temirjol vokzaldarynyń kassalarynan satyp alýǵa bolady. Qosymsha aqparat 1433 tegin nómiri arqyly, sondaı-aq Instagram jelisindegi @jolaushylar_tasymaly resmı paraqshasynda usynylady.