Aqtóbede aptap ystyq uryp tur. Sońǵy eki aptanyń ishinde odan zardap shekken 11 adam aýrýhanaǵa túsken. Jedel járdem beketi bas dárigeriniń orynbasary Dastan Nıetalıevtiń aıtýynsha, zardap shekkenderdiń 6-ýy bala eken. Al, úlkender jaǵy saıajaıda jumys istep, kún ótkizip alǵan. Sondaı-aq, kúni boıy sýǵa túsken eki bala da medısınalyq jedel járdem kómegine júginýge májbúr bolǵan.
Sınoptıkter aptap ystyqtyń lebi maýsym aıynyń aıaǵyna deıin basylmaıtynyn aıtady. «Qazgıdromettiń» Aqtóbe fılıalynyń ınjener-sınoptıgi Natalıa Sıngerevanyń málimdeýinshe, ystyq maýsym aıynyń aıaǵyna deıin birtindep kóterile beretin syńaıly. Kúnniń qyzýy oblystyń keı jerlerinde 42 gradýsqa deıin jetedi degen boljam bar.
Satybaldy SÁÝIRBAI,
«Egemen Qazaqstan».
Aqtóbe oblysy.