Premer-mınıstr Oljas Bektenov jumys saparymen Astana qalasyna baryp, JEO-3 nysanyn aralady. Sapar barysynda Memleket basshysynyń Úkimettiń keńeıtilgen otyrysynda júktegen jańa qýat kózderin jańǵyrtý jáne iske qosý jónindegi tapsyrmalary aıasynda elordanyń energetıkalyq ınfraqurylymynyń jaı-kúıi tekserildi, dep habarlaıdy Egemen.kz.
Úkimet basshysy tabıǵı gazben jumys isteıtin JEO-3-tiń negizgi jabdyqtarymen tanysty. Bıyl jobanyń birinshi kezeńin tolyq aıaqtap, ekinshi kezeńin júzege asyrý josparlanǵan. Qazirgi tańda jylý elektr ortalyǵy qalanyń burynǵy energııa tapshylyǵyn tolyq jaýyp, ósip kele jatqan suranysty eskere otyryp, qosymsha qor qalyptastyryp otyr. Nysan saǵatyna 440 Gkal jylý óndiredi. Jylý Shyńǵys Aıtmatov kóshesi, Uly Dala, Turan dańǵyldary boıyndaǵy jáne ózge de qarqyndy damyp jatqan aýdandarǵa jetkiziledi.
Pavlodar: energetıka qýaty artyp keledi
Bıyl stansada kómirdi rezervtik balama otyn retinde paıdalaný múmkindigin qamtamasyz etetin jumystar aıaqtalmaq. Atap aıtqanda, otyn jetkizý júıesin qaıta tıeý toraptarymen jáne usaqtaý korpýsymen biriktirý, temirjol stansasyn ınjenerlik ınfraqurylymǵa qosý kózdelgen. Kóktemde syrtqy jáne ishki avtojoldar salý, aýmaqty abattandyrý jumystary jalǵasady. Ekinshi kezeń aıasynda jeke ınvestısııalar esebinen qýaty 500 MVt bý-gaz qondyrǵysyn salý josparlanǵan. Bul elordany senimdi elektr qýatymen qamtamasyz etýge múmkindik beredi.
Jylytý maýsymy shtattyq rejımde ótip jatyrAstana qalasynyń ákimi Jeńis Qasymbek jylytý maýsymynyń shtattyq rejımde ótip jatqanyn baıandady. Qalany úsh jylý elektr ortalyǵy jáne eki gaz jylý stansasy – «Turan» men «Ońtústik-Shyǵys» qamtamasyz etip otyr. Qurylysy qarqyn alǵan shahardyń bolashaqtaǵy qajettiligin eskere otyryp, «Telman» gaz jylý stansasynyń qurylysy júrgizilip jatyr. Nysandy 2027 jyly iske qosý josparlanǵan.
Energetıka baǵytyndaǵy eleýli ózgerister
Energetıka mınıstri Erlan Aqkenjenovtiń málimetinshe, elimizde bıylǵy jylytý maýsymy turaqty ótip jatyr. Jóndeý naýqanynyń nátıjesinde generasııa kólemi 17 273 MVt-qa jetip, ótken maýsymmen salystyrǵanda 7%-ǵa artqan. 9 jylý ortalyǵy apat qaýpi joǵary «qyzyl» aımaqtan «saryǵa», úsh nysan «sarydan» «jasyl» aımaqqa aýystyryldy.
Elektr stansalarynda 10 energııa blogy, 63 qazandyq, 39 týrbına jóndelgen. 17 myń shaqyrym elektr jelisi men 420 qosalqy stansa jańǵyrtylyp, 323 shaqyrym jylý jelisi aýystyryldy. Sońǵy úsh jylda energetıka salasyna 1 trln teńgeden astam ınvestısııa tartylyp, elektr tapshylyǵy 29%-ǵa tómendegen. Bıyl 2,6 GVt jańa qýat kózderin iske qosý josparlansa, 2029 jylǵa qaraı elektr energııasyn óndirý kólemi 39 mlrd kılovatt-saǵatqa ulǵaıady.
Premer-mınıstr salalyq mınıstrlikter men qala ákimdigine JEO-3 jobasyn merziminde aıaqtaýdy jedeldetip, jylytý maýsymynyń turaqty ótýin qatań baqylaýda ustaýdy tapsyrdy.
«Elektr energetıka salasynda jumys isteıtin jáne basqarýshylyq bilimi bar adam retinde men eshbir kúrdeli júıe naqty erejelersiz, tártipsiz jáne bólingen jaýapkershiliksiz jumys isteı almaıtynyn jaqsy túsinemin. Energetıkada bul qýat pen júktemeniń tepe-teńdigi, memlekette – ókilettikter men ınstıtýttardyń tepe-teńdigi. Konstıtýsııa osy júıeniń arhıtektýrasyn belgileıdi. Usynylǵan ózgerister memlekettiń odan ári damýy úshin berik quqyqtyq negiz qalyptastyrady. Men Konstıtýsııanyń jańa redaksııasyn eldiń turaqty jáne ádil damýynyń negizi retinde qoldaımyn», dedi «Astana-Energııa» AQ JEO-3 bas ınjeneri Nazymbek Qasenov.
Nysandy aralaý barysynda JEO-3 ujymy jańa Konstıtýsııa jobasyn qoldaıtyndaryn bildirdi.
«Eńbek jolymdy hımııa zaýytynda bastadym, qazir is júrgizýshi bolyp jumys isteımin. Osylaısha men jańa Qazaqstannyń energetıka salasyna az da bolsa úlesimdi qosyp otyrmyn. Konstıtýsııa – elimizdiń damý baǵytyn aıqyndaıtyn bizdiń basty qujatymyz. Konstıtýsııalyq ózgerister memleket pen halyq arasyndaǵy baılanysty nyǵaıtady jáne bolashaqqa senimdi qadam jasaýǵa jol ashady dep sanaımyn», dedi «Astana-Energııa» AQ JEO-3 jylý avtomatıkasy jáne ólsheý sehynyń is júrgizýshisi Marııa Sybına.
Premer-mınıstr 15 naýryzda ótetin referendýmnyń mańyzyn atap ótti.
«О́zderińiz biletindeı, qazir elimiz óte mańyzdy saıası kezeńdi bastan ótkerip jatyr. Jańa Konstıtýsııa – Prezıdentimiz Qasym-Jomart Kemeluly Toqaevtyń Ádiletti, Qýatty Qazaqstandy qurýǵa baǵyttalǵan aýqymdy saıası reformalarynyń aıqyn kórinisi. Ata zańnyń eń basty arqaýy – adam, ıaǵnı azamattarymyzdyń ómiri men densaýlyǵy, quqyqtary men bostandyǵy. Jańa Konstıtýsııada «Egemendiktiń ıesi – Qazaqstan halqy» dep taıǵa tańba basqandaı jazylǵan. Iаǵnı, adamı kapıtaldy damytýǵa, eńbek adamyna degen memlekettiń kózqarasy túbegeıli ózgeredi. Referendýmǵa belsendi qatysýymyz, azamattyq jaýapkershilik tanytýymyz jáne memleket pen qoǵamnyń múddelerin basshylyqqa ala otyryp, sanaly tańdaý jasaýymyz mańyzdy», dedi Oljas Bektenov.
Fransııa Qazaqstannyń atom-energetıkalyq jobalaryna qalaı qoldaý kórsetedi?