Shymkentte jaýyn-shashyn saldarynan Badam ózeni arnasynan asyp, janyndaǵy eldi mekenderdi sý shaıyp ketýi múmkin degen qaýip turǵyndardyń úreıin týǵyzdy. Qalalyq jaıly ortany damytý basqarmasynyń basshysy Ábilqaıyr Ońǵar jurtty sabyrǵa shaqyryp, ózen jaǵasyndaǵy úıler úshin qaýip joq ekenin málimdedi. Onyń aıtýynsha búgingi tańda jaǵdaı turaqty jáne alańdaýǵa eshqandaı negiz joq, dep habarlaıdy Egemen.kz.
Basqarma basshysynyń málimdeýinshe, kóktem mezgilinde sý deńgeıi jıi kóteriletin ózennen turǵyndarǵa qaýip kelmeý úshin ótken jyly jaǵalaýy 5,3 shaqyrymǵa bekitilip, ol jeltoqsan aıynda tolyq aıaqtalǵan bolatyn. Sonymen birge qazynadan qurylys jumystaryna 2,7 mıllıard teńge qarjy qarastyrylǵan.
Prezıdent sý tasqyny men qurǵaqshylyq qaýpine aldyn ala daıyndalýdy tapsyrdy
Sondaı-aq qalalyq jaıly ortany damytý basqarmasynyń basshysy aıtyp ótkendeı, Igilik, Jańatalap, Kókbulaq eldi mekenderiniń tusyndaǵy ózen arnasy rettelip, jaǵalaýy betondalǵan. Alaıda belgisiz bireýler ózen arnasynan zańsyz tas qazyp alyp, gıdrotehnıkalyq qurylysqa zııan keltirgen. Sonyń saldarynan beton bógettiń 40 metrge jýyq bóligi búlingen. Qazirgi tańda quqyq qorǵaý organdary kinálilerdi anyqtaý isimen aınalysyp jatyr. Jobanyń kepildik merzimi 7 jyldy quraıtyndyqtan zaqymdanǵan bóligi merdiger kompanııanyń esebinen jóndeledi.
Tarazdaǵy tasqyn qaýpi: TJM men ákimdik shuǵyl iske kiristi