Is-sharaǵa elimizdiń jetekshi qoǵamdyq-saıası partııalary men qaýymdastyq ókilderi qatysty.
Qalalyq koalısııaǵa ártúrli jastaǵy túrli salanyń 200-ge jýyq ókili qosyldy. Olardyń qatarynda qoǵam qaıratkerleri, zańgerler, depýtattar, ǵylym men mádenıet salasynyń ókilderi, belsendi jastar, pedagogtar, sonymen qatar, «AMANAT», «Respublica», «Aýyl», «Aq jol», Qazaqstan Halyq partııalarynyń jetekshileri men ókilderi bar.
Ǵylymı qaýymdastyq «Halyqtyq Konstıtýsııa úshin» koalısııasyn qoldady
Koalısııa qalalyq fılıalynyń tóraǵasy Erlan Kanalımov jalpyulttyq koalısııa qyzmetiniń strategııalyq mańyzdylyǵyna toqtalyp, konstıtýsııalyq bastamalardy túsindirý boıynsha júıeli jumystyń qajettigin atap ótti.
«Jańa Konstıtýsııa – halyqtyq ortaq maqsatta ulttyq rýhty nyǵaıtýǵa yqpal etetin elimizdegi eń mańyzdy qujat. Ol eldik sanany bekemdep, bolashaqqa baǵyt silteıdi. Onyń ózeginde adamnyń qadir-qasıeti men quqyǵyn bárinen bıik qoıatyn asyl ustanym jatyr. Jalpyulttyq koalısııasynyń Astana qalalyq fılıalyna ár býynnyń túrli saladaǵy 200-ge jýyq ókili qosylyp otyr», dedi Erlan Kanalımov.
Astana qalasy ákiminiń orynbasary Eset Baıken jańa Konstıtýsııanyń ózegi adam men onyń quqyǵy ekenin jetkizdi. Qujatta qoǵamdy biriktiretin qundylyqtar bekitilgen: birlik, yntymaq, etnosaralyq kelisim, egemendik, memlekettik terrıtorııanyń birtutastyǵy. Konstıtýsııa Ádiletti Qazaqstandy, Zań men tártip qaǵıdatyn, sonymen qatar bolashaq urpaq aldynda tabıǵat pen ulttyq qundylyqty saqtaý jaýapkershiligin kúsheıtedi.
«Konstıtýsııalyq reforma – qoǵamnyń saıası júıeni jańǵyrtýǵa, memlekettik ınstıtýttardyń tıimdiligin arttyrýǵa jáne ádilettilik qaǵıdattaryn nyǵaıtýǵa baǵyttalǵan suranysyna berilgen jaýap. О́zgerister týraly bastamany Memleket basshysy Qasym-Jomart Toqaev halyqqa Joldaýynda jarııalap, zamanaýı ornyqty jáne básekege qabiletti jasandy ıntellekt dáýiriniń syn-qaterlerine daıyn Qazaqstandy qalyptastyrýǵa baǵyttaldy», dedi Eset Baıken.
Astana qalasy máslıhatynyń tóraǵasy Tabıǵat Zeınulqabden óz sózinde jańa Konstıtýsııanyń ulttyq rýhty nyǵaıtyp, eldi biriktiretin eń mańyzdy qujat ekenin atap ótti.
Ulytaý oblysynda óńirlik koalısııa quryldy
«Búgin mańyzdy ári aýqymdy jumys bastaý alyp jatyr. Jańa Konstıtýsııanyń basym baǵyttary týraly bárińiz habardarsyzdar. Endi osy oń ózgeriske bastaıtyn mańyzdy jobany jurtshylyqqa túsindirý, durys aqparat jetkizý – úlken mindetimiz», dedi Tabıǵat Zeınulqabden.
Koalısııa fılıalynyń qyzmeti aıasynda 1 000-ǵa jýyq is-shara ótkizilip, oǵan 700 myńnan asa adam qatysady dep josparlanǵan. Sonyń ishinde ortalyq deńgeıde – 100-ge jýyq is-shara (6 myń adam), qalalyq deńgeıde – 700 is-shara (660 myń adam), aýdandyq deńgeıde shamamen 400 is-shara (35 myń adam) ótkizý kózdelip otyr.
