Qysqy Olımpıada: Short-trekshi Abzal Ájiǵalıev pen Denıs Nıkısha shırek fınalǵa ótti

20 ret

kórsetildi

1 mın

oqý úshin

Mılan qalasynda XXV qysqy Olımpıadanyń short-trekten erler arasyndaǵy 500 metrge irikteý jarysy ótti. Bul synda Abzal Ájiǵalıev pen Denıs Nıkısha básekege tústi, dep jazady Egemen.kz.

Dana MYRZAQADIR

Qysqy Olımpıada: Short-trekshi Abzal Ájiǵalıev pen Denıs Nıkısha shırek fınalǵa ótti

Foto: Salı Sabırov/UOK

Álem kýbogi kezeńiniń jáne Azııa oıyndarynyń chempıony Abzal Ájiǵalıev óz tobynda birinshi bolyp, márege jetti. Osylaısha ol shırek fınalǵa tikeleı joldama aldy.

«San-Sıro» stadıonyndaǵy saltanatty ashylý rásiminde elimizdiń Memlekettik týyn ustap shyqqan Denıs Nıkısha 3-shi topta synǵa túsip, márege úshinshi jetti (40.818 sekýnd). Álem chempıonatynyń 2 dúrkin kúmis júldegeri, Azııa oıyndarynyń jeńimpazy Denıs Nıkısha ýaqyt kórsetkishi boıynsha shırek fınalǵa shyqty.

Qysqy Olımpıada: Sarapshy kimderdi júldege laıyq dep sanaıdy?

Endi shırek fınal men fınaldyq jarys 18-shi aqpannan 19-yna aýǵan túni ótedi.

Sondaı-aq búgin 23:00-de shańǵymen tuǵyrdan sekirýden erler arasyndaǵy komandalyq saıys ótedi. Atalǵan jarysta Ilıa Mızernyh pen Danıl Vasılev el namysyn qorǵaıdy.

Aıta keteıik, tórtjyldyqtyń basty dodasynda mánerlep syrǵanaýshy Mıhaıl Shaıdorov altyn medel ıelenip, Qazaqstan ázirge jalpy esepte 17-shi orynda tur.