О́z kezeginde bıznes ókilderi atalǵan salany damytýdyń joldaryn usyndy. Olardyń pikirinshe qolónershilerdiń birlesken jobalary qolǵa alynyp, qalanyń ózindik brendi qalyptasýy kerek.
Týrızm, syrtqy baılanystar jáne kreatıvti ındýstrııa basqarmasynyń basshysy Beksultan Ádilhanov naqty kórsetkishter men júzege asyp jatqan jobalarǵa toqtalyp, Shymkentte 2 439 azamat kreatıvti ındýstrııa salasynda kásibin dóńgeletip otyrǵanyn málimdedi.
«Saladaǵy kásipkerlerden túsken salyq kólemi 4,8 mlrd teńgeni qurap, aldyńǵy jylmen salystyrǵanda 500 mln teńgege artqan. 2025 jyly ashylǵan «Shymkent Creative Hub» kreatıvti habynda qolónershi, dızaıner, zergerler jáne sýretshiler men kınostýdııalar belsendi jumys atqaryp, 141 is-shara uıymdastyrdy. Sonymen qatar qalada jármeńke, baıqaý, forýmdar men kórmeler ótkizilip, kreatıvti ónimderdi naryqqa shyǵarýǵa jáne odan paıda tabýǵa jaǵdaı jasalyp jatyr. Al bıyl kreatıvti ındýstrııa kásipkerleri arasynda megapolıstiń damýyna arnalǵan qysqametrajdy fılmder baıqaýyn ótkizý josparda bar», dedi B.Ádilhanov.
Jıynda sondaı-aq Memleket basshysynyń tapsyrmasymen qurylǵan «Kreatıvti ındýstrııa qorynyń» qyzmeti týraly da aqparat berildi. Qor aıasynda kreatorlardyń biryńǵaı sıfrly tizilimi ázirlenip, 2026 jyldan bastap arnaıy platforma arqyly jobalardy irikteý men qarjylandyrý tetikteri iske qosylmaq. Jalpy Qor tarapynan qoldaýdy tek resmı tirkelgen kreatorlar ǵana ala alady.
