Shvesııa – búginde mektepterge kitap pen qalamdy qaıta engizip jatqan elderdiń biri, dep jazady Egemen.kz.
Bul sheshimniń sebebi erekshe nazar aýdarýǵa turarlyq. Sebebi, mektep oqýshylary tolyqtaı planshetter men sıfrlyq oqytý júıesine kóshkennen keıin, muǵalimder oqýshylardyń boıynan alańdatarlyq úrdisterdi baıqaı bastady. Atap aıtqanda, oqyǵanyn túsiný deńgeıi tómendedi, zeıinniń shoǵyrlanýy qysqardy, tipti negizgi daǵdylardyń deńgeıi de aıtarlyqtaı azaıdy. Iаǵnı nátıjeler kútkendegideı bolmady.
Osyǵan baılanysty Shvesııa bilim berý salasyndaǵy óz tásilin qaıta qarastyrýǵa sheshim qabyldady. Memleket qaıtadan baspa oqýlyqtaryna, qolmen jazýǵa jáne dástúrli oqý materıaldaryna ınvestısııa sala bastady. Sonymen qatar gadjetter tolyqtaı joıylǵan joq, biraq endi bilim berýdiń negizgi tiregine aınalmaıdy.
Qazirgi zertteýler bul sheshimniń durystyǵyn dáleldep otyr. Máselen, oqýshylar aqparatty qaǵazdan oqyǵanda ony jaqsyraq meńgerip, este saqtaıdy. Bul tehnologııadan bas tartý emes, kerisinshe, tepe-teńdikke qaıta oralý.