Italııada ótip jatqan 2026 jylǵy qysqy Olımpıada oıyndarynda frıstaıl-akrobatıkadan aralas komandalar arasyndaǵy jarystyń alǵashqy fınaly ótti, dep habarlaıdy Egemen.kz.
Qazaqstan quramasynyń sapynda Aıana Joldas, Asylhan Asan jáne Roman Ivanov óner kórsetti.
Otandastarymyz jalpy esepte 213,93 upaı jınady. Bul nátıje komandaǵa jeti quramanyń ishinde jetinshi oryn alýǵa múmkindik berdi.
Ekinshi fınalǵa tórt qurama joldama aldy. AQSh quramasy (351,23 upaı) aralyq esepte kóshbasshy atandy. Sondaı-aq Qytaı (315,02), Aýstralııa (289,04) jáne Shveısarııa (278,48) quramalary irikteýden ótti.
Osylaısha, qazaqstandyq frıstaılshylar Italııada ótip jatqan qysqy Olımpıada oıyndaryndaǵy jarys jolyn aıaqtady.
Qysqy Olımpıada-2026: Búgin el sportshylary qandaı jarystarǵa qatysady?