Mańǵystaýdaǵy mańyzdy strategııalyq nysannyń biri − «MAEK» JShS (Mańǵystaý atom energetıkalyq kombınaty) ujymy jańa Konstıtýsııany qoldady, dep habarlaıdy Egemen.kz.
Búginde 3500-den astam adam eńbek etetin «MAEK» JShS − óńirdegi strategııalyq mańyzy bar energetıkalyq nysan. Kásiporyn oblys halqyn turaqty elektr qýatymen, sý jáne jylýmen qamtamasyz etip, turǵyndardyń tirshilik tynysyn úzdiksiz qoldap keledi. Árbir qyzmetker óńirdiń ornyqty damýyna jáne halyqtyń ómir sapasyn arttyrýǵa óz úlesin qosyp júr.
Qazaqstan halyq partııasy jańa Konstıtýsııa jobasyna qatysty saraptamalyq talqylaý ótkizdi
Ujym atynan kásiporyn basshysy Kınıs Ýrakov sóz sóılep, referendýmǵa qatysý − azamattyq jaýapkershiliktiń jáne eńbek ujymynyń sanaly ustanymynyń kórinisi ekenin atap ótti.
«Biz kún saıyn óńirimizdiń damýy men turaqtylyǵy úshin eńbek etemiz. Ár qyzmetkerdiń eńbegi − Mańǵystaýdyń órkendeýine qosylǵan úles. Referendým − elimizdiń bolashaǵyn óz daýysymyz arqyly aıqyndaýǵa berilgen mańyzdy múmkindik. Sheshimdi birge qabyldaı otyryp, biz senimdi, turaqty ári gúldengen Qazaqstan úshin jaýapkershiligimizdi kórsetemiz. Bolashaq − ár daýysta, ár árekette, ár adamnyń tańdaýynda. Biz, MAEK ujymy, jańa Konstıtýsııany tolyq qoldaımyz», dedi Kınıs Ýrakov.
Kásiporyn ujymy jańa Konstıtýsııa memlekettilikti odan ári nyǵaıtýǵa, demokratııalyq ınstıtýttardy damytýǵa jáne azamattardyń qoǵamdyq-saıası ómirdegi rólin arttyrýǵa baǵyttalǵanyn atap ótti.
Jańa Konstıtýsııa: Aqmola oblysynyń turǵyndary ózderin tolǵandyrǵan suraqtaryn qoıdy
«MAEK» JShS óńirdegi negizgi kásiporyndardyń biri retinde óziniń belsendi azamattyq ustanymyn bildirip, Qazaqstannyń damýy men órkendeýine baǵyttalǵan bastamalardy qoldaýǵa daıyn ekenin kórsetti.
Aqsý jastary oblys ákimimen jańa Konstıtýsııa jobasyn talqylady