2026 jylǵy 24 aqpanda Almaty qalasynda «Qazaqstannyń Jańa Konstıtýsııasy – qoǵamnyń toptastyrýshy áleýeti» taqyrybynda sarapshylyq talqylaý ótti, dep habarlaıdy Egemen.kz.
Is-sharany Ǵylym jáne joǵary bilim mınıstrligi Fılosofııa, saıasattaný jáne dintaný ınstıtýty (FSDI) uıymdastyrdy. Jıynǵa Qoldanbaly etnosaıası zertteýler ınstıtýty, Prezıdent janyndaǵy Qazaqstannyń strategııalyq zertteýler ınstıtýty sarapshylary, sondaı-aq Fılosofııa, saıasattaný jáne dintaný ınstıtýtynyń ǵylymı qyzmetkerleri qatysty.
«Jańa Konstıtýsııa jobasy teń quqyqtar qaǵıdatyn jáne Qazaqstannyń san alýandylyǵyna qurmetti nyǵaıtady. Ol qoǵamdyq kelisimdi ádildikke, dıalogqa jáne ózara moıyndaýǵa negizdelgen júıe arqyly qalyptastyrady», dedi qoldanbaly etnosaıası zertteýler ınstıtýtynyń dırektory Lýıza Ýzarova.
Sarapshynyń pikirinshe, Konstıtýsııa jobasy qoǵamdyq qatynastardy damytýdyń jańa kezeńin kórsetedi jáne qazaqstandyq qoǵamdy toptastyrýdyń jınaqtalǵan tájirıbesin eskere otyryp, eldegi beıbitshilik pen kelisimdi odan ári nyǵaıtýǵa baǵyttalǵan.
Fılosofııa, saıasattaný jáne dintaný ınstıtýtynyń bas ǵylymı qyzmetkeri Natalıa Seıtahmetova jańa Konstıtýsııa jobasynyń baptarynda zaıyrlylyq qaǵıdattaryn bekitýdiń mańyzdylyǵyn erekshe atap ótti. Ol bul qaǵıdalardy «smart-zaıyrlylyq» dep sıpattap, onyń ar-ojdan bostandyǵy, dıalog mádenıeti jáne toleranttylyq qaǵıdattary sııaqty azamattyq tatýlyq qundylyqtaryn nyǵaıtatynyn aıtty. Mundaı qundylyqtyq negiz jańa ontologııalyq shynaıylyq jaǵdaıynda kózqarastar alýandyǵyn saqtaı otyryp, qoǵam birligin qamtamasyz etýge múmkindik beredi.
Mańǵystaý atom energetıkalyq kombınatynyń ujymy jańa Konstıtýsııany qoldady
Sarapshylar jańa Konstıtýsııa jobasyna oń baǵa berip, onyń qazaqstandyq qoǵamdaǵy kelisimdi nyǵaıtýǵa baǵyttalǵan syndarly áleýetin atap ótti.
Qazaqstan halyq partııasy jańa Konstıtýsııa jobasyna qatysty saraptamalyq talqylaý ótkizdi