Túrkistan oblysynyń Qarjy jáne memlekettik aktıvter basqarmasy «Turan» fýtbol klýbyn jekeshelendirý boıynsha saýda-sattyq jarııalady. Klýbtyń bastapqy baǵasy 1 054 000 teńge, al kepildik jarna mólsheri 158 100 teńge dep belgilendi, dep habarlaıdy Egemen.kz.
Ashyq saýda-sattyq úderisi bıylǵy jyldyń 3 naýryzynda saǵat 10:00-de bastalady.
Aıta keteıik, klýbtyń jańa qojaıynyna júkteletin mindettemeler az emes. Atap aıtqanda, satyp alýshy aldaǵy 10 jyl ishinde fýtboldan jasóspirimder akademııasyn qurýǵa mindetti. Sondaı-aq kelesi mindettemelerdi oryndaýy tıis:
Klýbtyń negizgi beıinin (profılin) saqtaý; Qazirgi shtattyq sandy (14 adam) qysqartpaý; Klýbqa ınvestısııa salý jáne materıaldyq-tehnıkalyq bazamen qamtamasyz etý; Jergilikti iri stadıondarmen (sońǵy bes jyldaǵy tájirıbe negizinde) kelisimsharttardyń bolýyn qadaǵalaý; Áıelder fýtbol komandasyn daıyndaý; 2027 jyldan bastap turaqty túrde Qazaqstan Premer-lıgasyna qatysýyn qamtamasyz etý; Klýbty senimgerlik basqarýǵa bermeý jáne úshinshi tulǵalarǵa satpaý.Sonymen qatar úmitkerdiń sport salasynda keminde bes jyldyq jumys tájirıbesi bolýy shart.
«Oqjetpes» fýtbol klýby jekemenshik basqarýǵa ótti
Eske sala keteıik, buǵan deıin Atyraý oblysynyń Memlekettik satyp alý jáne kommýnaldyq menshik basqarmasy «Atyraý» fýtbol klýbyn satylymǵa shyǵarǵan bolatyn.