AQSh-taǵy zań mektebinde elimizdiń jańa Konstıtýsııalyq reformasy talqylandy

«Dáriste amerıkalyq professor Qazaqstanda konstıtýsııalyq reforma júrip jatqanyn biletinin aıtty. Shynymdy aıtsam, bul meni tańǵaldyrdy. Myńdaǵan shaqyrym alysta otyrsa da, bizdiń eldegi ózgeristerdi baqylap otyr. Sosyn ol maǵan Qazaqstanda naqty ne ózgerip jatqanyn aıtyp berýdi surady. Aýdıtorııada amerıkalyq stýdentter, al Qazaqstannan jalǵyz menmin. Sol sátte bul jaı akademııalyq tapsyrma emes ekenin, óz elimniń atynan sóılep turǵanymdy sezindim. Referendýmnyń mańyzyn, zań arqyly júıeli ózgerister men memleketimizdiń ınstıtýttary kúsheıip jatqanyn túsindirdim. Shetelde otyryp, eliń týraly aıtý – erekshe jaýapkershilik. О́ıtkeni sen Qazaqstandy qalaı jetkizseń, adamdar ony solaı qabyldaıdy. Búgin men bir nárseni anyq sezindim: Qazaqstan ishki ózgeristermen ǵana emes, álemdik akademııalyq ortada da talqylanyp jatyr. Bul bizdiń eldiń damyp jatqanyn kórsetedi. Jáne men onyń ózgeristerin maqtan etemin», dedi prorektor.

Konstıtýsııada adam kapıtaly – negizgi basymdyq

Aıta keteıik, Hangeldi Nurdáýlet búginde Amerıkada «Bolashaq» baǵdarlamasy boıynsha bilim alyp jatyr. Onyń oqý merzimi – 1 jyl. О́zi Túrkistan oblysynda dúnıege kelgen. Ol Túrkistan oblysynda dúnıege kelgen, L.N. Gýmılev atyndaǵy Eýrazııa ulttyq ýnıversıtetiniń túlegi. Mamandyǵy – tarıhshy, zań ǵylymdarynyń magıstri.

Jańa Konstıtýsııa jáne ult saýlyǵy: Sarapshy kózqaray

Ol buǵan deıin Qazaqstannyń Bilim jáne ǵylym mınıstrliginde, Oqý-aǵartý mınıstrliginde, Parlament Májilisinde jaýapty qyzmetter atqarǵan. Sonymen qatar Y.Altynsarın atyndaǵy Arqalyq pedagogıkalyq ınstıtýtynyń ǵylymı qyzmetkeri, «Turan-Astana» ýnıversıtetiniń Halyqaralyq baǵdarlamalar jáne jobalar jónindegi prorektory bolǵan.