Shymkentte «Polpharma Santo» saýda belgisimen dári-dármek shyǵaratyn «Hımfarm» AQ-nyń óndiristik aýqymy keńeıtilmek. Tıisti ınvestısııalyq kelisim Qazaqstan Úkimeti tarapynan maquldandy, dep habarlaıdy Egemen.kz.
Jeke ınvestısııalardyń jalpy kólemi shamamen 40 mlrd teńgeni quraıdy. Joba aıasynda jańa óndiristik qýatty jeliler salynyp, shyǵarylatyn dárilik preparattar 38 ataýǵa deıin kóbeıedi. Olardyń qatarynda onkologııalyq, júrek-qan tamyrlary men juqpaly aýrýlardy emdeýge arnalǵan dáriler bar.
15 táýlikke deıin: Qazaqstanda dárilerdi tirkeý merzimi qysqartylýy múmkin
О́ndiristiń birinshi kezeńin iske qosý 2029 jyldyń sońyna josparlanǵan. Investısııalyq jobany júzege asyrý barysynda shamamen 300 jańa jumys orny ashylady. Bul megapolıstiń áleýmettik-ekonomıkalyq damýyna oń áserin tıgizedi deıdi mamandar.
Elimizde dári-dármek baǵasy qymbattady jáne tapshylyq baıqalýda: Sebebi nede?
Polshalyq ınvestorlar sondaı-aq, jańa dárilik ónimder ázirleıtin ǵylymı-zertteý synaq ortalyǵy men zamanaýı zerthanalary bar Sapa jáne ınnovasııalar alańyn salýdy kózdep otyr. О́z kezeginde jańa jelile otandyq dári-dármek óndirisiniń úlesin arttyrýǵa, ımportqa táýeldilikti azaıtyp, úshinshi megapolısti eldegi jetekshi farmasevtıkalyq ortalyqqa aınaldyrýǵa múmkindik bermek.
Endi azamattar dári-dármek baǵasyn Naqty Onim arqyly teksere alady