Amerıkalyq «Inception» startapy «Mercury 2» dep atalatyn jańa jasandy ıntellekt modelin tanystyrdy. Bul modeldiń ereksheligi – mátin jazý tásili burynǵy tildik modelderden múlde bólek, dep habarlaıdy Egemen.kz.
Ádette jasandy ıntellekt jaýapty birtindep qurastyrady. Al «Mercury 2» áýeli mátinniń nobaıyn keltirip, keıin birneshe ret óńdep, jaqsartyp shyǵady. Bul ádis sýret pen vıdeo jasaıtyn neırojelilerdiń jumys prınsıpine uqsaıdy. Osyndaı tásildiń arqasynda jańa model óte jyldam jumys isteıdi. Júıe sekýndyna 1000 tokennen astam mátin jaza alady, ıaǵnı qazirgi kóptegen baǵdarlamalardan shamamen bes ese jyldam. Jyldamdyq artqanymen, jaýap sapasy tómendemegen.
Jasandy ıntellekt muǵalimdi almastyra ma?
Ázirleýshilerdiń aıtýynsha, onyń nátıjeleri «Claude 4.5», «Haiku» jáne «GPT-5.2» Mini sekildi zamanaýı modelderdiń deńgeıimen shamalas. Mamandar bul jańalyqty jasandy ıntellekt tehnologııasynyń jańa kezeńi dep baǵalap otyr. Eger dıffýzııalyq arhıtektýra keń qoldanysqa ense, bolashaqta jasandy ıntellekt jaýapty uzaq «oılanyp» jazbaı, birden qurastyryp, tez óńdep shyǵaratyn júıege aınalýy múmkin.
Jasandy ıntellektini stýdentter qalaı qoldanyp júr?