Semeıdegi órtten zardap shekkenderdiń jaǵdaıy qalaı?

Oblystyq densaýlyq saqtaý basqarmasynyń 4 naýryz tańǵy saǵat 06:00-degi deregine súıensek, medısınalyq kómekke 11 adam júgingen, onyń 4-i – balalar. Bir bala Semeı medısınalyq ýnıversıtetiniń balalar bólimine jatqyzylyp, qalǵan úsheýi ambýlatorlyq em alýǵa jiberilgen. Taǵy 7 eresek adamnyń 4-i aýrýhanaǵa jatqyzylsa, qalǵan 2-ine oqıǵa ornynda kómek kórsetilgen. Taǵy 1 adam tekserilýden bas tartqan.

Semeıde oıyn-saýyq ortalyǵynan órt shyqty

Tótenshe jaǵdaılar departamentiniń málimetinshe, oıyn aımaǵynan bastalǵan órt ǵımarat ishindegi tez janǵysh materıaldardyń áserinen qas-qaǵymda órship ketken. Qoıý tútin men laýlaǵan jalyn qutqarýshylardyń jumysyn qıyndatqanymen, órt saǵat 22:08-de tolyqtaı sóndirilgen. Ákimshilik ókilderiniń aıtýynsha, kelýshiler men qyzmetkerler der kezinde óz betinshe evakýasııalanyp úlgergen.

Semeıdegi órt: Oqıǵa ornynda 6 adam medısınalyq kómekke júgindi

Polısııa departamenti bul oqıǵa boıynsha tıisti saraptamalar taǵaıyndalǵanyn jáne órttiń shyǵý sebebi men oǵan qatysy bar tulǵalardyń anyqtalyp jatqanyn habarlady.