Iranda eldiń jańa joǵarǵy kóshbasshysy bolyp Modjtaba Hameneı saılandy. Bul sheshimdi konstıtýsııalyq ókiletke ıe Sarapshylar keńesi qabyldady, dep jazady Egemen.kz.
Iran International basylymynyń habarlaýynsha, Sarapshylar assambleıasy Irannyń burynǵy joǵarǵy kóshbasshysy Álı Hameneıdiń uly Modjtaba Hameneıdi eldiń kelesi rýhanı ári saıası jetekshisi etip tańdaǵan. Atalǵan organ Iran Konstıtýsııasyna sáıkes joǵarǵy kóshbasshyny saılaýǵa jaýapty.
Oppozısııalyq aqparat quraldarynyń jazýynsha, daýys berý qarsańynda Assambleıa múshelerine Islam revolıýsııasy saqshylar korpýsy tarapynan qysym jasalǵan. Qýatty áskerı qurylym elde saıası turaqsyzdyq týyndamaýy úshin muragerdi jedel anyqtaýdy talap etken.
Iran nege amerıkalyq jáne ızraıldik ushaqtardy atyp túsire almaıdy?
Modjtaba Hameneı 1969 jyly Meshhed qalasynda dúnıege kelgen. Ol aıatolla Álı Hameneıdiń ekinshi uly. Dinı bilimdi ákesinen jáne ózge de yqpaldy ustazdardan alyp, din qyzmetkeri atanǵan. Qum qalasyndaǵy dinı semınarııada teologııa páninen dáris oqyǵan.
Iran Aıatolla Hameneıdiń qazasyn rastady: elde 40 kúndik aza tutý jarııalandy