2026 jyly Halyqaralyq áıelder kúnine oraı Qazaqstannyń birqatar óńirlerinde áıelderge jergilikti bıýdjet esebinen birjolǵy áleýmettik tólemder qarastyrylǵan. Alaıda bul qoldaý barlyq aımaqta birdeı emes: keı óńirlerde qomaqty qarjy bólinse, iri qalalardyń keıbirinde merekelik tólem múlde qarastyrylmaǵan. Birjolǵy kómektiń mólsheri 8 650 teńgeden 21 625 teńgege deıin, dep habarlaıdy Egemen.kz
Aıta keteıik, kóptegen óńirde tólem kópbalaly analarǵa, «Altyn alqa», «Kúmis alqa» ıegerlerine, «Batyr ana» ataǵyn alǵandarǵa, jáne «Ana dańqy» ordenderimen marapattalǵan analarǵa beriledi.
Astanada 37 myń áıelge qoldaý kórsetilediElordada tólem kólemi 2,5 AEK-ti (10 813 teńge) quraıdy. Kómek kópbalaly analarǵa, «Altyn alqa», «Kúmis alqa» ıegerlerine jáne qalada turaqty tirkeýi bar az qamtylǵan áıelderge beriledi.
Qala ákimdiginiń málimetinshe, 2026 jyly shamamen 37 myń otbasy qamtylady. Tólemder qalalyq áleýmettik kómek kórsetý qaǵıdalary aıasynda júzege asady.
Eń joǵary tólem ShymkentteShymkentte birjolǵy tólem kólemi 5 AEK-ti (21 625 teńge) quraıdy. Qalada turaqty tirkeýi bar, «Altyn alqa», «Kúmis alqa» ıegerleri, «Batyr ana» ataǵyn alǵandar jáne «Ana dańqy» ordenimen marapattalǵan áıelder kómek ala alady.
Jalpy 14 267 anaǵa tólem jasaý josparlanǵan. Tizim «Azamattarǵa arnalǵan úkimet» memlekettik korporasııasynyń derekteri negizinde jasaqtalady.
Qaraǵandy oblysynda keshendi qoldaý barО́ńirde 20 000 teńge kóleminde birjolǵy tólem qarastyrylǵan. Ol «Altyn alqa», «Kúmis alqa» ıegerlerine, «Batyr ana» ataǵy bar analarǵa jáne tórt jáne odan kóp kámeletke tolmaǵan balasy bar otbasylarǵa beriledi.
Aqmola oblysynda 2-den 5 AEK-ke deıinBul óńirde tólem mólsheri aýdanǵa baılanysty ózgerip otyrady:
5 AEK (21 625 teńge) – Kókshetaý, Stepnogorsk, Qosshy, Býrabaı aýdany, Esil aýdany;
3 AEK (12 975 teńge) – Arshaly, Birjan sal, Jaqsy, Jarqaıyń, Zerendi, Selınograd aýdandary;
2 AEK (8 650 teńge) – Sandyqtaý aýdany.
Barlyǵy 3 849 anaǵa 73,9 mln teńge kóleminde qarajat bólinedi.
Mańǵystaý oblysynda belgilengen somaО́ńirde jylyna bir ret 15 000 teńge kóleminde tólem jasalady. Kómek «Altyn alqa», «Kúmis alqa» ıegerlerine, «Batyr ana» ataǵy bar jáne «Ana dańqy» I–II dárejeli ordenderimen marapattalǵan áıelderge beriledi. Shamamen 14 myń ana qamtylady.