Jańa adamdar Qozǵalysynyń kóshbasshysy Asel Badenova Qazaqstan halqyna úndeý jasap, aldaǵy referendým el keleshegine tikeleı áser etýge jáne jańa Konstıtýsııany qabyldaýǵa úles qosýǵa múmkindik beretinin atap ótti. Búginde Qazaqstan qoǵam úshin mańyzdy ózgerister kezeńin ótkerýde, al azamattardyń belsendi qatysýy el damýynyń negizgi faktoryna aınalyp otyr, dep habarlaıdy Egemen.kz.
Jańa Konstıtýsııa memlekettiń keıingi damýynyń negizi – progress, órkenıet, tehnologııalyq serpilis, sıfrlandyrý jáne jasandy ıntellektti damytý joly retinde qarastyrylady. Qazaqstan álemdik arenada ashyqtyq, mádenıetaralyq kelisim jáne beıbitshilik qaǵıdattarymen erekshelenedi.
Ártúrli mádenıetter men dinderge tózimdilik, kóptúrliliktegi birlik jáne jasampaz patrıotızm qoǵamnyń mańyzdy qundylyqtary bolyp qala beredi. Bul qaǵıdattar damýdy, turaqtylyqty jáne azamattyq qatysýdy nyǵaıtýdy kózdeıtin el beınesin qalyptastyrady.
Eldiń túkpir-túkpirindegi Jańa adamdar Qozǵalysynyń belsendileri kún saıyn patrıotızmdi ómir salty retinde tańdaıdy. Olar qoǵamnyń mańyzdy memlekettik úderisterge qatysý ıdeıasyn jetkizip, qazaqstandyqtardy óz daýys berý quqyǵyn paıdalanýǵa shaqyrady.
«Bizge Damyǵan Qazaqstan qajet! Men jańa Konstıtýsııaǵa daýys beremin jáne sizderdi 15 naýryz kúni referendýmda osy jobany qoldaýǵa shaqyramyn!
Referendým – árbir azamat: «Men óz elimniń bolashaǵy týraly sheshim qabyldaýǵa qatystym» dep aıta alatyn sát. Árbir adamnyń daýysy mańyzdy, óıtkeni eldiń damý baǵytyn qoǵamnyń qatysýy aıqyndaıdy», dedi Jańa adamdar Qozǵalysynyń kóshbasshysy Asel Badenova.