Sheńgeldi aýyldyq okrýgi boıynsha 6 referendým ýchaskesi jumysyn bastady. Ondaǵy saılaýshylardyń sany – 5300-ge jýyqtaıdy. Alaqandaı aýyl turǵyndary referendýmǵa bir kisideı ún qosyp, óz tańdaýlaryn jasaýdy bastap ketti. Alǵashqylardyń biri bolyp referendým ýchaskesiniń esigin ashqan Sheńgeldi aýylynyń aqsaqaly Amangeldi Bespaev №956 referendým ýchaskesinde óz tańdaýyn jasap, aq batasyn berdi, dep jazady Egemen.kz.
Amankeldi ata uzaq jyldar boıy ustazdyq qyzmet etip, keıinnen aýyl keńesiniń depýtaty bolǵan. Ol qurmetti zeınet jasyna shyqsa da, qoǵamdyq jumystan alystamaı, qazirde QHA janyndaǵy oblystyq ardagerler keńesiniń tóraǵasy bolyp, el úshin eńbek etip júr.
«Búgin elimiz úshin tarıhı sát. Biz, aǵa býyn ókilderi, árdaıym eldiń taǵdyryna beıjaı qaraǵan emespiz. Sondyqtan respýblıkalyq referendýmǵa kelip, óz tańdaýymdy jasadym. Ata-babalarymyz táýelsiz el bolýdy armandady. Búgin sol táýelsizdiktiń qadirin túsinip, memleketimizdiń bolashaǵyna qatysty mańyzdy sheshimderge qatysý – ár azamattyń paryzy dep oılaımyn», deıdi qarııa.
Almaty oblysynyń ákimi referendýmda óz tańdaýyn jasady
Aýyldyq okrýg turǵyndary saıası naýqanǵa belsene atsalysyp jatyr.
Almaty oblysynda daýys berýshiler tizimi mıllıonnan asady
Almaty oblysy,
Sheńgeldi aýyly.