Balqash qalasynyń 99 jastaǵy ardaqty anasy Kámpıt Tólendınova respýblıkalyq referendýmǵa qatysyp, óz tańdaýyn jasady. Kámpıt áje Sáken Seıfýllın atyndaǵy №7 mektep-gımnazııasyndaǵy №204 referendým ýchaskesinde alǵashqylardyń biri bolyp daýys berdi, dep habarlaıdy Egemen.kz.
Ǵasyr jasaǵan aq jaýlyqty ana el taǵdyryna qatysty mańyzdy saıası naýqannan qalys qalýdy jón kórmegenin aıtady.
– Balalarymnyń, nemerelerim men shóberelerimniń bolashaǵy úshin daýys berdim. Halqymyz aman bolsyn, elimiz tynysh bolsyn! Qazaqstanymyz jasaı bersin! Balqashymyz gúldene bersin! Orazalaryńyz qabyl bolsyn! Kele jatqan qazaqtyń jańa jyly – Naýryz qutty bolsyn! Men endi júzge taıap qaldym ǵoı, bergen batam qabyl bolsyn! – dep aq batasyn jaýdyrdy Kámpıt áje.
Aıta keteıik, Kámpıt Tólendınovanyń jary, marqum Jazbek Satymbekuly – Balqash qalasynyń qoǵamdyq-saıası jáne mádenı ómirine zor úles qosqan tulǵa. Ol uzaq jyldar jýrnalıstıka salasynda eńbek etip, Balqash telestýdııasynyń dırektory qyzmetin atqarǵan. 2000 jyly oǵan «Balqash qalasynyń Qurmetti azamaty» ataǵy berilgen. Sondaı-aq, 2010 jyldan beri Balqash qalasynda bir kóshe Jazbek Satymbekuly Tólendınovtiń esimimen atalady.
О́ńir turǵyndary referendýmǵa belsene qatysyp jatyr
Aqjaýlyqty ananyń eldik iske ún qosyp, óz tańdaýyn jasaýy – keıingi urpaqqa úlgi, qoǵamǵa ónege.
102 jastaǵy Uly Otan soǵysynyń ardageri referendýmda daýys berdi
Qaraǵandy oblysyBalqash qalasy