Foto: Aqorda
Jýrnalısterdiń biri álemdik tájirıbede konstıtýsııalyq reforma uzaq ýaqytqa sozylady, al bizde jańa Konstıtýsııany daıyndaýǵa jáne talqylaýǵa az ǵana ýaqyt jumsalǵanyn atap ótti. Onyń aıtýynsha, buǵan halyqaralyq baıqaýshylar nazar aýdaryp, synǵa alǵan.
«Buǵan deıin aıtqanymdaı, Konstıtýsııa jobasyn ázirleý jumystary biraz ýaqytqa sozyldy. 2022 jyly Konstıtýsııaǵa ózgerister engizilgeni ózderińizge málim. Sol kezdiń ózinde jańa Konstıtýsııa qabyldaýǵa bolar edi. Biraq biz ondaı qadamǵa barmadyq. Degenmen jańa Konstıtýsııa qabyldaý týraly ıdeıa paıda boldy. Shamamen eki jyl buryn iske kiristim. Elimizge jańa Konstıtýsııa qabyldaý kerek degen uıǵarymǵa keldim. Qazaqstan, eń aldymen, zaıyrly memleket bolýǵa tıis. Bul Konstıtýsııa elimizdi ilgeriletetinine eshqandaı kúmánim joq. Biz kóshten qalmaı, progrestiń aldyńǵy shebinde júrýimiz kerek. Ozyq el bolsaq, basqa memleketter bizge qurmetpen qaraıdy. El taǵdyry óz qolymyzda. Sol úshin tabandy eńbek etý kerek. Aldymyzda turǵan eń úlken maqsat – osy», dedi Prezıdent.
Prezıdent Qasym-Jomart Toqaev respýblıkalyq referendýmda daýys berdi
