Ázerbaıjannan jıyrmadan astam baqylaýshy kelgen. Delegasııa quramynda parlament músheleri, Ortalyq saılaý komıssııasynyń mamandary men Ázerbaıjannyń Qazaqstandaǵy elshiliginiń ókilderi bar. Olar tańerteńnen bastap ártúrli saılaý ýchaskelerine bólinip, referendým barysyn qadaǵalap otyr.
«Búgin shamamen elýge jýyq saılaý ýchaskesinde boldym. Kesh batqansha Ázerbaıjan delegasııasynyń ókilderi baqylaý júrgizip jatqan barlyq ýchaskelerdi aralap, qandaı da bir zań buzýshylyq nemese problemalar bar-joǵyn surap shyǵamyn. Qazirge ondaı olqylyqtar oryn alǵan joq. Jalpy alǵanda, shúkir, referendým qalypty túrde ótip jatyr. Tipti aýa raıynyń salqyndyǵyna qaramastan, saılaýshylardyń belsendiligi baıqalady. Mine, ózderińiz de kezegin kútken azamattardy kózben kórip otyrsyzdar», dedi Mazahır Panahov.
Sondaı-aq, spıker óz sózinde buǵan deıin de Qazaqstanda ótken saılaýlarǵa baqylaýshy bolǵanyn, ár saılaý saıyn qazaq eli oń ózgeristerge nyq qadam basyp kele jatqanyn aıtty.
«Halyq óz eliniń bolashaǵyna degen jaýapkershiligin tolyq sezinetinin baıqadym. Ortalyq saılaý komıssııasynyń músheleri óz kásibı deńgeılerin kórsetip, óte aýqymdy jáne aýyr jumysty qulshynyspen atqaryp jatyr. Qazaqstannyń Ortalyq saılaý komıssııasy damyǵan Eýropa men AQSh elderinde qoldanylyp júrgen barlyq zamanaýı ádisterdi erkin paıdalanýda. Sonymen qatar, múmkindigi shekteýli, nashar kóretin, estimeıtin jáne júrip-turýynda qıyndyqtary bar azamattarǵa qajetti jaǵdaıdyń bárin jasap berip otyr», dedi óz sózinde.
Vaagn Ovakımıan: Qazaqstan halqynyń aýyzbirshiligine tánti boldym
Ázerbaıjandyq baqylaýshy bıylǵy referendýmnyń taǵy bir ereksheligi retinde saılaý ýchaskelerinde aýdıojúıeniń iske qosylýyn aıtty.
«Eger daýys berýge quqyly azamat referendýmnyń mánin bilgisi kelse, ıakı mazalaǵan basqa da suraqtary bolsa, ol arnaıy ornatylǵan aýdıo-júıe arqyly ózine qajetti aqparatty ala alady. Bul júıe saılaýda kásibı baqylaýshy bolyp kele jatqan mamandarǵa da óte paıdaly bolary sózsiz. Sondyqtan da Qazaqstandaǵy referendým barysyn baqylaýǵa kelgen 350-den astam halyqaralyq baqylaýshylar bul júıege oń baǵa berip otyr», dedi Ázerbaıjannyń Ortalyq saılaý komıssııasynyń tóraǵasy.
Bahtııor Hýdoıorzoda: Azamattardyń belsendiligi joǵary ekenin kórip otyrmyz
Sóz sońynda túbi bir týystas eldiń ókili biz táýelsizdik alǵaly Qazaqstannyń Ortalyq saılaý komıssııasymen tyǵyz baılanys ornatqanyn atap ótti.
«Eki el árdaıym bir-birimen óz tájirıbesin bólisip keledi. Tipti, basqa elderdegi saılaýlardy baqylaıtyn kezde de standarttarymyz ben tájirıbemizdi ortaǵa salamyz. Al, búgingi referendýmǵa qatysty aıtarym, jyl sanap saılaý ýchaskelerindegi kásibı deńgeı artyp keledi, barlyq ýchaskelerde qala, aýyl demeı saılaýshylardyń quqyqtary birdeı qamtamasyz etilgen. Interer ár ýchaskede ártúrli bolýy múmkin, biraq bastysy bizdi saılaýshylardyń quqynyń teńdigi, kóńil kúıiniń kóterińki ekeni qýantady», dep túıindedi óz sózin.
