Bıyl Qazaqstan óz azamattary úshin joǵary qaýipsizdik deńgeıin saqtap otyr. GTI málimetine sáıkes, el eń tómengi kórsetkish – 0.000 ball aldy, bul terrorıstik oqıǵalar qaýpiniń is júzinde joq ekenin bildiredi.
Qazaqstannan bólek, nóldik kórsetkishti Qyrǵyzstan, Túrikmenstan jáne Moldova da ıelendi.
Qaýipsizdiktiń joǵary deńgeıi qaýip-qaterlerdiń aldyn alý júıesiniń keshendiligi, kúshtik qurylymdardyń jumysy jáne halyqaralyq yntymaqtastyq esebinen qamtamasyz etiledi. Elde strategııalyq mańyzy bar nysandardy – áýejaılar, temirjol toraptary jáne energetıkalyq kásiporyndardy baqylaýdyń zamanaýı tehnologııalary qoldanylady.
Kúshtik qurylymdar tótenshe jaǵdaılarǵa jedel áreket etý boıynsha turaqty túrde oqý-jattyǵýlar ótkizip, ShYU jáne UQShU aıasynda kórshi eldermen birlesken operasııalar júrgizedi.
Radıkaldanýdyń aldyn alýǵa erekshe nazar aýdarylady. Mektepter men joǵary oqý oryndarynda qaýipsizdik baǵdarlamalary júzege asyrylyp, jastarǵa sıfrlyq keńistikte dezınformasııa men ekstremıstik ıdeıalarǵa qarsy turý daǵdylary úıretiledi.
Búginde Qazaqstan eń qaýipsiz elderdiń biri bolyp qala beredi jáne memleket qaýipsizdik sharalaryn kúsheıtip, halyqtyń aqparattaný deńgeıin arttyrýdy jalǵastyryp otyr.
