Jıynda ónerkásip jáne qurylys mınıstri Ersaıyn Naǵaspaev salanyń qazirgi jaǵdaıy men damý perspektıvalary týraly baıandama jasady. Málimetke sáıkes, 2025 jyldyń qorytyndysynda ónerkásip óndirisiniń kólemi 260 mlrd teńgege jetken. Jyl basynan beri óńdeýshi sektordyń ósimi 9,9%-dy qurap, jeńil ónerkásip óndirisi 2,2 esege artqan. Alaıda salada ımportqa táýeldilik áli de saqtalyp otyr.
Kezdesýde otandyq ónim óndirýdi arttyrý, óndiristerdi jańǵyrtý, qaıta óńdeý qýatyn keńeıtý jáne lokalızasııa deńgeıin kóterý máseleleri talqylandy. Premer-mınıstr Oljas Bektenov jaýaptylarǵa kadr daıarlaý men otandyq taýar óndirýshilerdiń básekege qabilettiligin arttyrý qajettigin aıtty.
«Qasym-Jomart Toqaev ekonomıkalyq áleýetti nyǵaıtý mindetin qoıdy. Jańa Konstıtýsııanyń qabyldanýymen Úkimet óńdeý sektoryn damytý jumystaryn kúsheıte tústi. Bıylǵy tórt aıdyń qorytyndysy boıynsha óńdeý salasy turaqty ósim kórsetip otyr. Onyń ishinde jeńil ónerkásiptiń áleýmettik mańyzy zor. Biz otandyq taýar óndirýshilerdi qoldaý sharalaryn keńeıtýimiz qajet», dedi Oljas Bektenov.
Keńes qorytyndysy boıynsha Premer-mınıstr otandyq óndirýshilerge ótkizý naryqtaryna shyǵýǵa kepildik bere otyryp, óndiristi ulǵaıtý úshin qosymsha yntalandyratyn model qalyptastyrý qajettigine nazar aýdardy.
Eske sala keteıik, buǵan deıin Premer-mınıstr Ulttyq parkterdegi baıaý jumysty qatań synaǵan bolatyn.
