Oblystyq sottyń deregine sáıkes, úkim Saryaǵash aýdandyq sotynda Qylmystyq kodekstiń 420-baby 2-bóligi (sotta kórineý jalǵan aıǵaq berý) boıynsha shyǵarylǵan.
«Buǵan deıin zorlaý isi boıynsha jábirlenýshi negizgi sot talqylaýy barysynda kúdiktini qylmystyq jaýapkershilikten bosatý maqsatynda óziniń bastapqy shynaıy kórsetýlerinen bas tartyp, kórineý jalǵan aıǵaq bergen. Osyǵan baılanysty arnaıy prokýrorlar jábirlenýshige qatysty sotqa deıingi tergeý júrgizip, ony bul áreketke advokattyń ıtermelegenin anyqtady. Sot úkimimen advokat pen zorlaý isi boıynsha jábirlenýshi kináli dep tanylyp, olarǵa tıisinshe 5 jyl jáne 6,5 jyl merzimge bas bostandyǵynan aıyrý jazasy taǵaıyndaldy», delingen habarlamada.
Prokýratýra organdary qylmystyq prosess barysynda shynaıy aıǵaq berýge shaqyrady. Kórineý jalǵan aıǵaq berý zańda kózdelgen qatań jaýapkershilikke ákeledi.
Qaraǵandyda 70 jastaǵy áıeldi óltirý jáne zorlaý isi 20 jyldan keıin ashyldy
