Referendýmda daýys bergennen keıin Prezıdent jýrnalısterge arnalǵan brıfıng barysynda Euronews telearnasynyń tilshisi Boıan Brkıchtiń qoıǵan suraǵyna jaýap berdi, dep habarlaıdy Egemen.kz Aqordanyń baspasóz qyzmetine silteme jasap.
Brıfıngte, «Siz Qazaqstan halyqaralyq arenada orta derjava retinde tanylǵanyn udaıy aıtyp kelesiz. Elińiz Prezıdent Tramp qurǵan Beıbitshilik keńesine múshe boldy. Sizdiń oıyńyzsha, Taıaý Shyǵystaǵy qazirgi jaǵdaı Beıbitshilik keńesine qalaı áser etedi? Bul bastama ómirsheń deı alasyz ba? Donald Tramptyń jobasyn qoldaý jónindegi sheshimge qalaı keldińiz?», degen suraq qoıyldy.
«Eń aldymen, Amerıka Qurama Shtattarynyń Prezıdentine qurmetim erekshe ekenin atap ótkim keledi. Onyń aqyl-parasatqa negizdelgen strategııasy óte durys, quptaýǵa laıyq. Beıbitshilik keńesi týraly bastamanyń ıdeıasy, halyqaralyq kún tártibindegi kúrdeli máselelerdi sheshýdegi jańashyl tásilderi kóńilden shyqty. Munda áýeli dástúrli dıplomatııa men iri bıznestiń múmkindikteri ushtasady. Bul qarapaıym halyqqa, sonyń ishinde Gaza sektorynyń turǵyndaryna naqty paıdasyn tıgizedi. Álem halqy bitpeıtin konferensııalardan jalyqty. Atalǵan jıyndarda qabyldanatyn izgi nıetti qararlardy azdaǵan adam ǵana oqıdy. Sol sebepti bul ıdeıany qoldaý qajet dep oılaımyn. О́ıtkeni tyń sheshimder usynady. Prezıdent Tramp myqty tulǵa retinde áser qaldyrady. Ol – batyl kóshbasshy. Taıaý Shyǵysta, sonyń ishinde Palestınada beıbitshilik ornatý múmkindigi áli de bar ekenine kámil senemin. Bul bastama baıandy bolady dep úmittenemin», dedi Qasym-Jomart Toqaev.
Prezıdent: Ata zań jas býynnyń temirqazyǵy bolýǵa tıis