«Qazposhta» basshysy Bekejan Jakeev ulttyq kompanııanyń aldaǵy josparlary men IPO jaıly málimdedi. Onyń aıtýynsha, aksııalardy alǵashqy ornalastyrý (IPO) 2028 jylǵa josparlan, dep habarlaıdy Egemen.kz.
Kompanııa basshysy ulttyq operatordyń tabystylyǵyn arttyrý qajettigin atap ótti.
«Úkimettiń qaýlysymen «Qazposhta» 2028 jyly IPO-ǵa shyǵýy tıis. Osyǵan baılanysty tıisti jol kartasy ázirlendi», dedi ol.
Bekejan Jakeevtiń aıtýynsha, jaqyn arada sheteldik ınvestısııalardy tartý jobalary iske asyrylmaq.
«Biz negizinen sheteldik ınvestısııalardy tartý jobalaryna nazar aýdarǵymyz keldi. Qazir YTO kompanııasymen birlesken kásiporyn qurdyq – bul Qytaıdyń halyqaralyq logıstıkalyq operatorlarynyń top-10 qataryna kiretin kompanııa. Kelesi josparymyz – JD.com marketpleısimen yntymaqtastyq, ıaǵnı biz bul marketpleıske qol jetkizý jolyn qamtamasyz etemiz. Naýryz aıynda marketıngtik strategııanyń test nusqasyn iske qosý josparlanǵan. YTO sııaqty, JD.com-men yntymaqtastyq ta belsendi damıdy», dep jalǵastyrdy ol.
«Qazposhta»: Taıaý Shyǵystaǵy 7 elge sálemdemeler jóneltý toqtatyldy
Kompanııa basshysy sonymen qatar iri ınfraqurylymdyq jobalardyń qatarynda logıstıkalyq habtar salynatynyn atap ótti:
«YTO kompanııasy Almaty oblysynda hab qurylysyna kiristi. Jobalyq-smetalyq qujattar ázirlendi, naýryzda qurylys jumystary bastalady. Sondaı-aq Aqtóbede 15 myń sharshy metr logıstıkalyq hab salynýda. Buǵan qosa, Qaraǵandy áýejaıynda avıahab qurý maqsatynda áýejaı basshylyǵy jáne YTO ókilderimen birlesken kezdesý ótkizdik. Osynyń nátıjesinde jergilikti ákimdik áýejaı mańynan 4 ga jer bóldi», dedi ol.
Sonymen qatar «Qazposhta» estondyq Omniva kompanııasymen birlesip elektrondyq kommersııany damytýdy qolǵa almaq.
«Birlesken kásiporyn quryldy. «Qazposhta» óz ınfraqurylymyn jáne naryqqa qol jetkizýdi qamtamasyz etedi, al Omniva tehnologııalyq sheshimderdi usynady», dedi kompanııa basshysy.
Aıta keteıik, «Qazposhta» IPO-sy alǵash ret 2019-2020 jyldary josparlanǵan bolatyn.
Logıstıka, bul – jańa munaı: Elimizde qoıma tapshylyǵy kúrt kúsheıdi