Qadir túni – ıslam dinindegi eń qasıetti túnderdiń biri. Bul tún Ramazan aıynyń sońǵy on kúniniń juma, jumaǵa jaqyn sáresi túnderinde bolady dep esepteledi. Bıyl QMDB bul túndi 16 naýryzdan 17 naýryzǵa qaraǵan túnge belgilep otyr. Qadir túni qulshylyq pen duǵa jasaý arqyly rýhanı tazalyqqa jetýge, kúnálardan keshirim suraýǵa jáne Allanyń razylyǵyna kenelýge erekshe múmkindik beredi, dep jazady Egemen.kz.
Paıǵambarymyz (s.ǵ.s.): «Ramazan aıynda myń aıdan artyq bir tún bar. Kim onyń jaqsylyǵynan maqurym qalǵan bolsa, shyn máninde kóp nárseden maqurym bolǵan», degen.
Din ókilderiniń málimdeýinshe Qadir túninde mańyzdy saýapty isterdi meılinshe kóbirek jasaý qajet.
Ramazan aıy azamattardyń tutyný shyǵyndaryna qandaı ózgeris ákeledi?
1. Namaz jáne qulshylyqQadir túninde eń mańyzdy amal – nafil namaz (súnnet namazdary) oqý. Musylmandar bul túnde jıi Quran oqyp, Allany eske alyp, uzaq duǵalar jasaıdy. Tań namazyna deıingi ýaqytty múmkindiginshe qudaıǵa arnap ótkizý usynylady.
2. Quran oqýBul tún – Quranmen sýsyndaý ýaqyty. Musylmandar Quran aıattaryn oqyp, maǵynasyn túsinýge tyrysady. Qadir túni oqylǵan Qurannyń saýaby basqa kezderge qaraǵanda áldeqaıda úlken bolady.
Bıyl pitir sadaqa mólsheri qansha teńge?
3. Duǵa jasaýQadir túni – keshirim surap, jaqsylyqqa umtylý, týystar men kórshiler úshin duǵa etý ýaqyty. Kishigirim duǵadan bastap, júrekten shyqqan tilek pen shynaıy nıet mańyzdy.
4. QaıyrymdylyqQaıyrymdylyq jasaý, muqtajdarǵa qol ushyn berý – Qadir túni qasıetti amaldardyń biri. Bul tek mal men zat berý ǵana emes, júrekten shyqqan izgi nıet pen qoldaýdy bildiredi.
5. Rýhanı oı men óz-ózińdi túzetýQadir túni – óz-ózińdi tekserip, ótken kúnderdi oı eleginen ótkizý úshin de mańyzdy. Kúnálardan keshirim surap, bolashaqqa jaqsylyq pen izgilikke umtylý qajet.
Qadir túni – ár musylman úshin rýhanı ósý, tynyshtyqqa bólený jáne Allanyń razylyǵyna kenelý ýaqyty. Namaz oqý, Quran oqý, duǵa jasaý jáne qaıyrymdylyq isteý arqyly bul túndi tıimdi ótkizýge bolady. Eń bastysy – júrek tazalyǵy men shynaıy nıet.
Ramazan aıynda poıyzdarda alkogol ónimderi satylmaıdy
Osy amaldardy oryndaý arqyly musylman qaýym 83 jyldyq saýapqa teń berekeli túndi tıimdi ótkize alady.