Qazaqstanda ótken respýblıkalyq referendým kezinde halyqaralyq baqylaýshylar tarapynan eshqandaı zańbuzýshylyq tirkelmegen. Bul týraly baspasóz konferensııasynda Reseı Federasııasy Ortalyq saılaý komıssııasynyń hatshysy Natalıa Býdarına málimdedi, dep habarlaıdy Egemen.kz.
Onyń aıtýynsha, daýys berý prosesi men referendýmdy uıymdastyrý Qazaqstan Respýblıkasynyń qoldanystaǵy zańnamasyna tolyq sáıkes ótken.
«Zańbuzýshylyqtarǵa qatysty qandaı da bir eskertý aıtýǵa negiz joq. О́ıtkeni barlyq rásimder zańǵa sáıkes júrgizildi. Muny óz kózińmen kórgende anyq baıqaısyń. Shyn máninde, munyń artynda Ortalyq komıssııanyń basshylyǵymen jumys istegen referendým komıssııalarynyń, sondaı-aq barlyq jaýapty organdardyń úlken eńbegi jatyr. Olar azamattardyń daýys berýine barlyq múmkindikterdiń joǵary deńgeıde qamtamasyz etilýine jaǵdaı jasady», dedi N.Býdarına.
«Halyq úni»: Ýchaskelerdegi daýys berý barysy Ortalyq komıssııanyń derekterine saı keledi
Ol daýys berý nátıjeleri qazaqstandyqtardyń azamattyq jaýapkershiliginiń joǵary ekenin kórsetetinin atap ótti.
«Muny biz daýys berý nátıjelerinen kórip otyrmyz. Bul azamattardyń qoǵamdyq-saıası úderisterge jaýapkershilikpen qaraıtynyn kórsetedi. Sonymen qatar daýys berý úshin barlyq múmkindikterdiń tolyq qamtamasyz etilgenin ańǵartady. Buǵan komıssııalardyń daýys berý tártibi men rásimderi týraly júrgizgen keń aýqymdy aqparattyq-túsindirý jumystary da yqpal etti», dedi Reseı OSK ókili.
Natalıa Býdarına sondaı-aq daýys berý ýchaskelerindegi atmosferaǵa toqtaldy.
«Ýchaskelerde óte jyly ári dostyq atmosfera qalyptasty. Muny referendýmǵa qatysýshylar da, baqylaýshylar da baıqady. Keıbir jerlerde kezek bolǵanyna qaramastan, bári óte sypaıy ári uıymshyl jaǵdaıda ótti», dep qosty ol.
TMD baqylaýshylary: Referendýmda daýys berý prosesi ashyq ári ádil ótti
Onyń aıtýynsha, atqarylǵan jumystar referendýmnyń ashyq ári qoljetimdi ótýine múmkindik bergen.