2010 jylǵy 3 shilde Astana, Úkimet úıi
Oblystyq bıýdjetterdiń, Astana jáne Almaty qalalary bıýdjetteriniń “jalǵyz tereze” qaǵıdaty boıynsha halyqqa qyzmet kórsetý jónindegi aǵymdaǵy nysanaly transfertterdi paıdalaný erejesin bekitý týraly
“2010 – 2012 jyldarǵa arnalǵan respýblıkalyq bıýdjet týraly” Qazaqstan Respýblıkasynyń 2009 jylǵy 7 jeltoqsandaǵy Zańynyń 13-babyn iske asyrý maqsatynda Qazaqstan Respýblıkasynyń Úkimeti qaýly etedi:
1. Qosa berilip otyrǵan Oblystyq bıýdjetterdiń, Astana jáne Almaty qalalary bıýdjetteriniń “jalǵyz tereze” qaǵıdaty boıynsha halyqqa qyzmet kórsetý jónindegi aǵymdaǵy nysanaly transfertterdi paıdalaný erejesi bekitilsin.
2. Qazaqstan Respýblıkasy Ádilet mınıstrligi Qazaqstan Respýblıkasynyń Úkimeti belgilegen tártippen oblystyq bıýdjetterge, Astana jáne Almaty qalalarynyń bıýdjetterine aǵymdaǵy nysanaly transfertterdiń bekitilgen somasyn aýdarýdy qamtamasyz etsin.
3. Oblystardyń, Astana jáne Almaty qalalarynyń ákimderi:
1) aǵymdaǵy nysanaly transfertterdiń bólingen somasyn ýaqtyly jáne maqsatty paıdalanýdy;
2) Qazaqstan Respýblıkasy Ádilet mınıstrligine aǵymdaǵy nysanaly transfertterdiń bólingen somasynyń paıdalanylýy týraly esepterdi esepti aıdan keıingi aıdyń 15-kúnine deıin berýdi qamtamasyz etsin.
4. Osy qaýly 2010 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri K.MÁSIMOV.
___________________
Qazaqstan Respýblıkasy Úkimetiniń 2010 jylǵy “3” shildedegi № 696 qaýlysymen bekitilgen
Oblystyq bıýdjetterdiń, Astana jáne Almaty qalalary bıýdjetteriniń “jalǵyz tereze” qaǵıdaty boıynsha halyqqa qyzmet kórsetý jónindegi aǵymdaǵy nysanaly transfertterdi paıdalaný erejesi
1. Osy Oblystyq bıýdjetterdiń, Astana jáne Almaty qalalary bıýdjetteriniń “jalǵyz tereze” qaǵıdaty boıynsha halyqqa qyzmet kórsetý jónindegi aǵymdaǵy nysanaly transfertterdi paıdalaný erejesi 056 “Oblystyq bıýdjetterge, Astana jáne Almaty qalalarynyń bıýdjetterine “jalǵyz tereze” prınsıpi boıynsha halyqqa qyzmet kórsetý úshin beriletin aǵymdaǵy nysanaly transfertter” respýblıkalyq bıýdjettik bagdarlamasy boıynsha oblystyq bıýdjetterge, Astana jáne Almaty qalalarynyń bıýdjetterine respýblıkalyq bıýdjetten beriletin aǵymdaǵy nysanaly transfertterdi paıdalaný tertibin aıqyndaıdy.
2. Aǵymdaǵy nysanaly transfertterdi paıdalaný Qazaqstan Respýblıkasynyń bıýdjet zańnamasyna sáıkes júzege asyrylady.
Aǵymdaǵy nysanaly transfertter kúrdeli sıpattaǵy shyǵystardy qospaǵanda, halyqqa qyzmet kórsetý ortalyqtaryn ustaýǵa baılanysty aǵymdaǵy shyǵystarǵa paıdalanylady.
3. Qazaqstan Respýblıkasy Ádilet mınıstrligi nysanaly transfertter boıynsha nátıjeler týraly kelisimniń, jeke qarjylandyrý josparynyń negizinde oblystyq bıýdjetterge, Astana jáne Almaty qalalarynyń bıýdjetterine aǵymdaǵy nysanaly transfertterdi aýdarýdy júrgizedi.
4. Oblystardyń, Astana jáne Almaty qalalarynyń jergilikti atqarýshy organdary jarty jyldyqtyń jáne jyldyń qorytyndylary boıynsha Qazaqstan Respýblıkasy Ádilet mınıstrligine netıjeler týraly kelisimderge sáıkes bólingen nysanaly transfertterdi paıdalaný esebinen qol jetkizilgen tikeleı jáne túpkilikti netıjeler týraly esep beredi.
5. Qazaqstan Respýblıkasy Ádilet mınıstrligi Qazaqstan Respýblıkasy Qarjy mınıstrligine Qazaqstan Respýblıkasynyń zańnamasynda belgilengen tártippen jáne merzimderde eseptilikti beredi.