Birqatar óńirde aýa raıy kúrt qubylyp, jaýyn-shashyn, tuman jáne jel kúsheıýi múmkin. Sınoptıkterdiń málimetinshe, kún jylynǵanymen, atmosferalyq turaqsyzdyq saqtalyp otyr, dep habarlaıdy Egemen.kz.
Búgin eldiń basym bóliginde aýa raıyna baılanysty daýyldy eskertý jarııalanǵan. Oǵan negizgi sebep – qalyń tuman, kóktaıǵaq jáne ekpindi jel. Keı óńirlerde naızaǵaı soǵyp, jańbyr jaýsa, endi bir aımaqtarda shańdy daýyl bolýy yqtımal.
Búgin Túrkistan oblysynda jańbyr men naızaǵaı kútiledi. Al Atyraý oblysynda sınoptıkter shańdy daýyl bolady dep boljaıdy. Bul jaǵdaılar jol qozǵalysyna jáne turǵyndardyń kúndelikti tirshiligine áser etýi múmkin.
Astanada kúndiz aýa temperatýrasy +3+5 °C, túnde -8-10 °C shamasynda bolady. Jeldiń jyldamdyǵy 2-7 m/s-qa deıin jetýi múmkin.
Almatyda kúndiz +11+13 °C, túnde +2+4 °C jyly. Qalada keı ýaqyttarda tuman túsedi dep kútiledi. Jeldiń jyldamdyǵy 3-8 m/s-qa deıin jetýi múmkin.
Shymkentte kún raıy birshama jyly: kúndiz +17+19 °C, túnde +5+7 °C. Jeldiń ekpini 8-13 m/s deıin jetedi.
Qaı óńirlerde jol jabyq tur?
«Qazgıdromet» málimetinshe, 18 naýryzda Qostanaı, Pavlodar, Qaraǵandy, Jezqazǵan, Balqash, Temirtaý, Oral, Aqtóbe, Almaty jáne Astana qalalarynda aýa sapasy nasharlaıdy.