Stepnogorsk qalasynyń prokýratýrasy 1 500 gektardan astam jer ýchaskesin memleket menshigine qaıtardy. Prokýrorlyq tekserý nátıjesinde jalpy kadastrlyq quny 52 mln teńge bolatyn bul jerler zańsyz paıdalanylyp kelgeni anyqtaldy, dep habarlaıdy Egemen.kz.
Aýdıt barysynda jergilikti atqarýshy organdardyń laýazymdy tulǵalarynyń jer zańnamasyn óreskel buzǵany belgili boldy. Atap aıtqanda, jer ýchaskelerin saýda-sattyqsyz berý, konkýrs tártibin saqtamaý, jerdi maqsatty paıdalaný talaptaryn oryndamaý jáne jeke menshikke zańsyz basyp alý faktileri tirkelgen.
Qala ákimdigi jerdi tıimdi ári maqsatqa saı paıdalanýǵa baqylaýdy der kezinde júrgizbegeni anyqtaldy.
Shymkentte jer ıesi memleketten 83 mln teńge ótemaqy óndirip aldy
Prokýratýranyń talabymen Jer resýrstaryn basqarý departamenti zańsyz paıdalanylǵan jerlerdi memleketke qaıtarý boıynsha eki talap-aryz sotqa joldandy.
Sondaı-aq prokýrorlyq qadaǵalaý aktisi negizinde jer qatynastary máselelerine jetekshilik etetin qala ákiminiń orynbasary tártiptik jaýapkershilikke tartyldy.
Qazirgi tańda jer ýchaskelerin paıdalaný jáne berý salasyndaǵy zańdylyqty qamtamasyz etý jumystary qala prokýratýrasynyń turaqty baqylaýyna alyndy.
Berik Asylov: Olıgopolııa ıeligindegi 800 myń gektar jer memleketke qaıtaryldy