2025 jyly Aktóbe oblysynda 99 jasóspirim qyz júkti boldy (2024 jyly bul kórsetkish 107 bolǵan). Olardyń kóbi 17-18 jastaǵy kolledj stýdentteri jáne keıbir mektep oqýshylary, dep habarlaıdy Egemen.kz.
Balalar gınekology Saltanat Týbýlbaevanyń aıtýynsha, olardyń kóbi óziniń aıaǵy aýyr ekenin alǵashqy aılarda baıqamaıdy nemese jasyrýǵa tyrysady.
Elimizde erte júktilik kórsetkishi azaıǵan
«Jasóspirimderdiń qursaq bulshyqetteri jaqsy damyǵan, onyń ústine olar keń (oversaız) kıimder kıedi. Al qusý men júrek aınýdy asqazan aýrýyna balap, mán bermeıdi. Sonyń saldarynan qyzdar bizge tek 20-21 apta bolǵanda ǵana keledi. Júktilikti 21 aptadan asqan soń toqtatý múmkin emes. Árbir jasóspirimniń júktiligi komıssııa qaraýyna jiberiledi, oǵan akýsher-gınekologtar, genetık, psıholog jáne basqa mamandar qatysady. Qyzdar qatań baqylaýda bolady, sebebi bala kóterý jas organızm úshin úlken júk. Fızıologııalyq turǵydan qyzdar daıyn emes. Qan aınalymy, tynys alý júıesi tolyq qalyptaspaǵan. Erte júktilik plasenta aldynan qabyrshaqtalýyna, bosanǵannan keıin qan ketýge ákelýi múmkin. Asqynýlar qyzdarda 2-3 ese jıi, balalar kóbine az salmaqta dúnıege keledi. Psıhologtar jumys isteıdi, biraq otbasynyń qoldaýy mańyzdy», deıdi Saltanat Týbýlbaeva Dıapazon basylymyna bergen suhbatynda.
Dárigerdiń aıtýynsha, jasóspirimder júktiliginiń 97-98%-y bosanýmen aıaqtalady jáne jas analar baladan bas tartpaıdy.
О́tken jyly bosanǵandardyń ishinde tek bir bala ǵana ýaqytsha «Úmit» sábıler úıine ornalastyrylǵan. Qalǵan balalar otbasynda tárbıelenip jatyr. Keıbir ájeler tipti dekrettik demalys alyp, nárestege qaraıdy, osylaısha qyzdarǵa oqýyn jalǵastyrýǵa múmkindik beredi. 17 jastaǵylary turmysqa shyǵyp jatady. 2025 jyly tirkelgen eń jas júkti qyz 14 jasta bolǵan.
Erte júktiliktiń aldyn alý sharalary týraly