Almaty qalasynda taǵy bir qaıǵyly jol apaty boldy. Ál-Farabı dańǵylynda joldan ótpek bolǵan áıel kóliktiń astyna túsip, oqıǵa ornynda qaıtys boldy, dep habarlaıdy Egemen.kz.
Almaty polısııa departamentiniń málimetinshe, apat 25 naýryzda túngi ýaqytta bolǵan.
«Mitsubishi Delica» júrgizýshisi shyǵys baǵytta Ál-Farabı boıymen kele jatyp, Rozybakıev kóshesimen qıylysqan jerde joldan ótip bara jatqan áıeldi soqty. Jábirlenýshi sol jerde kóz jumdy», dedi polısııa ókilderi.
Bul fakti boıynsha qylmystyq is qozǵalyp, tergeý júrip jatyr.
Eske salaıyq, 21 naýryzda túnde Ál-Farabı dańǵylynda jol apaty boldy. Batys baǵytta kele jatqan Zeekr kóligi qarsy baǵytqa shyǵyp, shyǵys baǵytta kele jatqan Mercedes kóligin soqty. Mercedes júrgizýshisi men eki jolaýshysy – 22 jáne 20 jastaǵy qyzdar oqıǵa ornynda qaıtys boldy. Zeekr júrgizýshisi aman qaldy jáne aýrýhanaǵa jatqyzyldy.
Almaty kóshelerinde túngi avtojarystar jıiledi: Polısııa baqylaýdy kúsheıtti