28 naýryz kúni elimizdiń barlyq óńirlik, qalalyq jáne oblystyq onkologııalyq ortalyǵynda biryńǵaı ashyq esik kúni ótedi. Bul kúni medısınalyq mekemeler kelýshilerdi tegin tekseredi, dep jazady Egemen.kz.
Densaýlyq saqtaý mınıstrligi is-shara onkologııalyq syrqattaný men ólimdi tómendetý, sondaı-aq halyqqa mamandandyrylǵan medısınalyq kómektiń qoljetimdiligin arttyrý jónindegi memlekettik saıasatty iske asyrý sheńberinde uıymdastyrylyp otyrǵanyn habarlady.
Biryńǵaı ashyq esik kúni onkolog dárigerler azamattardy ýchaskelik dárigerdiń joldamasynsyz jáne aldyn ala jazylmaǵandardy da tegin qabyldaıdy.
Ǵalymdar onkologııalyq aýrýlardyń aldyn alýǵa arnalǵan qospa ázirlep jatyr
Ashyq esik kúninde onkologııalyq aýrýlardyń profılaktıkasy jáne erte dıagnostıkasy boıynsha konsýltasııa berilip, aýrýdyń alǵashqy belgileri túsindiriledi. Sondaı-aq dıagnostıka men emdeýdiń zamanaýı ádisteri týraly aqparat usynylady.
Medısınalyq tekserýden ótýge nıetti barlyq kelýshiler ózimen birge jeke kýálik pen bar bolǵan jaǵdaıda buryn júrgizilgen tekserýlerdiń nátıjelerin (ÝDZ, KT, MRT, medısınalyq qorytyndylar) alyp barýy tıis.
Dárigerler JI kómegimen ınsýlt pen onkologııalyq aýrýlardy erte anyqtap jatyr