Almaty oblysynda Talǵar qalasynda er adamdy óltirý jáne eki jasar qyzdy urlaý oqıǵasyna baılanysty áreketsizdik tanytty dep aıyptalǵan ýchaskelik ınspektorǵa sot úkimi shyqty. Bul týraly jábirlenýshi taraptyń advokattary Jandos Palmanov pen Asylbek Ábdraımov málimdedi, dep habarlaıdy Egemen.kz.
Sot sheshimimen ýchaskelik ınspektor 2 jyl 4 aı merzimge bas bostandyǵynan aıyrylyp, sot zalynda qamaýǵa alyndy. Sonymen qatar, ol leıtenant ataǵynan aıyryldy.
Jábirlenýshiler moraldyq shyǵyn retinde 5 mıllıon teńge kóleminde ótemaqy talap etken. Sot bul talapty ishinara qanaǵattandyryp, 3 mıllıon teńge óndirý týraly sheshim qabyldady.
Aıta keteıik, 2025 jylǵy 6 qyrkúıekte Almaty oblysy Talǵar aýdanyna qarasty Qyzylqaırat aýylynda er adamdy óltirý jáne balany urlaý oqıǵasy tirkeldi. Tergeý málimetinshe, kúdikti jergilikti turǵyndy zorlap, bir aı boıy bopsalap kelgen. Keıin ol áıeldiń aǵasyn óltirip, eki jasar qyzyn urlap ketken.
Qashý barysynda kúdikti balamen birge kólikpen jardan qulaǵan. Qyz bala jaraqat alyp, oǵan ota jasalǵan.
Negizgi aıyptalýshy 25 jylǵa bas bostandyǵynan aıyryldy. Al kisi óltirý men urlaýǵa qatysqan eki jasóspirimniń árqaısysy 9 jyldan túrmege kesildi.
Kókshetaýda 136 mln teńge jınaǵan qarjy pıramıdasynyń uıymdastyrýshylaryna úkim shyqty
Aıta keteıik, qaıǵyly oqıǵadan bir aı buryn jábirlenýshi zorlaý faktisi boıynsha aryz jazǵan, alaıda polısııa tıisti shara qoldanbaǵan. Tipti kúdikti qamaýdan bosatylǵan. Osyǵan baılanysty Almaty oblysynyń prokýratýrasy polısııa qyzmetkerleriniń áreketsizdigi faktisi boıynsha qylmystyq is qozǵaǵan.
Jumys kabınetinen 15 myń dollar tabylǵan: Petropavlda eks-sýdıalarǵa qatysty úkim shyqty