Kýbalyq kásipqoı boksshy, áýesqoılar arasynda eki dúrkin álem chempıony atanǵan Ioenlıs Ernandes orta salmaqtaǵy álem chempıondarymen jekpe-jek ótkizýge daıyn ekenin málimdedi, dep jazady Egemen.kz.
Jeńilistiń dámin tatpaǵan boksshy (kásipqoı rıngte 9 jekpe-jek ótkizip, barlyǵynda jeńiske jetken) bul týraly Fight Hype YouTube-arnasyna bergen suhbatynda aıtty.
Ernandes aldaǵy kezdesýlerde qarsylas retinde birneshe chempıondy atap ótti. Onyń aıtýynsha, ol WBA tujyrymy boıynsha álem chempıony, otandasy Erıslandı Laramen, WBC chempıony domınıkandyq Karlos Adamespen nemese WBO chempıony qazaqstandyq Jánibek Álimhanulymen jekpe-jek ótkizgisi keledi. Sonymen qatar, IBF belbeýiniń jańa ıesi anyqtalǵan soń, onymen de kúsh synasýǵa daıyn ekenin jetkizdi.
«Biz kez kelgen chempıonmen, sonyń ishinde Jánibek Álimhanulymen de jekpe-jek ótkizýge daıynbyz. Eger múmkindik berilse, shyǵýǵa ázirmiz», dedi kýbalyq boksshy.
Eske sala keteıik, Jánibek Álimhanuly 2026 jyldyń jeltoqsanyna deıin rıngten shettetilgen. Sondaı-aq ol IBF nusqasy boıynsha álem chempıony ataǵynan aıyryldy. Buǵan 2025 jyldyń qarasha aıynda alynǵan dopıng synamasynan tyıym salynǵan meldonıı zatynyń tabylýy sebep bolǵan.
Dopıng daýy: Jánibek Álimhanuly bir jylǵa jarystardan shettetildi